Audi RS3 Sportback до „стотка“ побрзо од Ferrari 458 Italia!
Не толку одамна, 200 КС беa повеќе од доволно моќ за таканаречените hot hatch модели, но денес овие автомобили добиваат агрегати со налудничаво висока моќност
Последен во таа низа е Audi RS3 Sportback кој благодарение на германската тјунинг компанија HGP Turbo под хаубата има 2.5-литарски агрегат со пет цилиндри, неверојатни 606 КС и вртежен момент од 710 Nm.
Сето ова е постигнато благодарение на новиот турбополнач, поголем компресор, K&N воздушен филтер, модифицираниот издувен систем и, се разбира, ремапирање на моторот.
За да се справи со огромната моќ, DSG менувачот со двојна спојка е надграден, а целиот „пакет“ чинел 15.500 евра плус 1.400 евра за работна рака.
Вака подговениот RS3 од 0-100 km/h забрзува за 3,1 секунди, 0-200 за 9,7, а 400 метри ги минува за 11,01 секунди. Теоретски, тоа е побрзо од Ferrari 458 Italia, кој забрзува za 3,4 sekundi, а само 0,1 секунди побавно од новиот Ferrari 488 GTB.
За оние кои се заинтересирани, цената на вака подготвениот Audi RS3 Sportback е 77.730 евра. За споредба, основната верзија на RS3 Sportback во Германија е 55.900 евра.
