Американците се дарежливи: свиркачот кој пријавил грешка на автомобилите Hyundai и Kia добил огромна парична награда
Националната управа за безбедност на патиштата (NHTSA) објави дека за прв пат платила награда на свиркач кој пријавил грешка на автомобилите
На свиркачот му биле исплатени 24 милиони долари, што е максималната награда што може да се исплати. Имено, според законот, можно е да се плати награда во износ до 30% од сумата што е наплатена за казната.
Овде станува збор за Hyundai и Kia или нивните американски подружници. Поранешен инженер на Hyundai пријавил грешка на моторите Theta II монтирани на моделите на Hyundai и Kia. NHTSA по договорот со компаниите за отповик изрече казна од 210 милиони долари, од кои 81 милион долари веќе се платени. Според статутот, NHTSA на свиркачот може да исплати до 30% од парите собрани од парична казна која е поголема од 1 милион американски долари.
„Свиркачите имаат клучна улога во информирањето на NHTSA за безбедносните прашања скриени од агенцијата“, вели Севен Клиф од NHTSA, додавајќи: „Информациите се важни за јавната безбедност и затоа сме посветени да го наградуваме секој што ни носи такви информации”.
Моторот со четири цилиндри Theta II е поставен на низа модели, а тука се однесува на моделите Sonata и Santa Fe Sport на Hyundai и Optima, Sorento и Sportage на Kia. По правило, станува збор за примероци произведени од 2011 до 2014 година. Поради грешка во конструкцијата, постоел ризик од настанување на пожар.