Американскиот сон не живее во Германија: Tesla никако не може да привлече работници во фабриката во Берлин!
Германскиот синдикат на металски работници IG Metall тврди дека Tesla плаќа 20 отсто помалку од слични компании, што е голем проблем кога во регионот нема недостиг на работни места
Отворањето на фабриката во Берлин, главниот град на Германија, очигледно беше порака на Илон Маск до локалната автомобилска индустрија дека има нов играч во градот. Но, покрај убавата симболика, треба да размислуваме и за други работи, од попрактичен карактер, би рекле. Германија не е некој неуредen феуд каде што големите момци можат да прават што сакаат, а пазарот на труд е толку голем што работниците не трчаат по првата прилика.
Еден извор, вработен во фабриката во Берлин, за Wired ја опиша ситуацијата во европската фабрика на Tesla како целосен хаос и тврди дека некои работници биле на боледување подолго отколку што работеле. Од планираните 12.000, во фабриката моментално работат само 7.000 работници. Идејата беше да се произведуваат 5.000 Model Y неделно, а моментално само 2.000 излегуваат од производната лента.
Tesla се смета за помалку посакуван работодавач од другите производители на автомобили. Германскиот синдикат на металски работници IG Metall тврди дека Tesla плаќа 20 отсто помалку од слични компании, што е голем проблем кога во регионот нема недостиг на работни места. Дури и вработените кои влегуваат во фабриката не се задржуваат долго. Поранешните вработени кои решиле да заминат како причина за нивната одлука да најдат работа на друго место го навеле недостатокот на искуство на менаџерскиот тим и ненадејните промени во работните обрасци, на кои е тешко да се прилагодат вработените со деца. Фабриката во близина на Берлин започна со работа во март годинава.