Александар Албон во Red Bull од ГН на Белгија!
Од тимот на Red Bull потврдија дека од ГН на Белгија, заедно со Макс Верстапен ќе вози сегашниот возач на Toro Rosso – Александар Албон!
Пјер Гасли имаше многу тежок прв дел од сезоната. Неговиот најдобар резултат беше четвртото место на Силверстон и ова е единствената трка која ја заврши пред Макс Верстапен. На сите други трки, тој не успеа да биде ниту близу до Макс, што јасно го покажува и неговиот бодовен биланс.
Затоа од ГН на Белгија ќе вози за Toro Rosso, заедно со Данил Квјат, а Албон ќе го заземе неговото место во болидот на Red Bull.
„Red Bull е уникатно позициониран да има четворица возачи под договор и може по потреба да ги ротира помеѓу Red Bull Racing и Scuderia Toro Rosso. Затоа, решивме во преостанатите девет трки тимски колега на Макс да биде Александар Албон за да добиеме што е можно повеќе корисни информации и да донесеме правилна одлука за возачот кој ќе вози со Макс во 2020 година“.
„Сите во тимот го поздравуваат Алекс и му даваме целосна поддршка во новата фаза од неговата кариера“, е официјалниот став на тимот за доведувањето на Албон на местото на Гасли.