Oва се скиците од следната генерација на Volkswagen Amarok кој доаѓа оваа година
Заедно со новите скици, најавата ветува многу технологија за асистенција на возачот за која VW вели дека е нова во сегментот на камионети со средна големина
Првите скици од следната генерација на Volkswagen Amarok можеа да се видат уште во јануари оваа година, а сега Volkswagen објави уште неколку кои го прикажуваат камионот странично и од позади. Ова сè уште не е конечниот облик на долгоочекуваниот камионет, но VW ги нарекува скици „блиску до производство“.
Она што може со сигурност да се претпостави е дека претераните лакови на калниците нема да бидат ни приближно толку агресивни како на сликите, а тенките гуми со низок профил секако не се погодни за терени надвор од патот и за ДНК-та од Ford Ranger. Сепак, скиците нудат генерална идеја за тоа што може да се очекува.
„Ги истакнуваме различните, експресивни предни дизајни на нашиот пикап со харизматичен потпис на Amarok, кој исто така со многу големи букви се наоѓа и на задниот багажен дел кој Amarok гордо го носи“, вели Алберт-Јохан Кирзингер, менаџер за дизајн на возила во Volkswagen Commercial. „Стилската лента како визуелно продолжение на двојната кабина во багажникот уште еднаш на каросеријата на Amarok и дава динамика и силни пропорции“.
Веќе се знае дека новиот камион ќе биде малку поголем од моделот во заминување. Ќе користи и V6 TDI мотор, а со Ford-овата T6 платформа долу, може да добие и 4-цилиндерски мотор со турбополнач. Заедно со новите скици, најавата ветува изобилство од технологија за асистенција на возачот за која VW вели дека е нова во сегментот на камионети со средна големина, иако деталите за овие карактеристики се препуштени на имагинацијата. Исто така, кажано е дека новиот Amarok нема да биде поголем не само во смисла на големина – тука е и поголемото растојание од подлогата во споредба со претходната генерација.
