Освежување за T-Roc гамата: Експресивен дизајн и иновативна технологија / ФОТО+ВИДЕО
Компактниот кросовер сега има поагресивен преден дел, редизајнирана внатрешност и понапредни системи за помош
Еден од најпопуларните модели во гамата на Volkswagen го доби првото освежување. Сега, по четири години на пазарот и повеќе од милион продадени компактни кросовери T-Roc, доживува фејслифт, како надворешно така и во кабинскиот простор.
Што се однесува до изгледот, T-Roc сега има различен преден и заден браник со поостри и почисти линии со поголеми отвори за ладење споредбено со сеуште актуелниот модел, додека светлата доаѓаат со затемнета позадина и нова графика. LED светлата со L светлосен потпис сега стануваат стандардни за сите верзии.
Понатаму, по барање стигнуваат и врвните IQ.Light LED матрични светла со 24 модули кои не ги заслепуваат возачите од спротивната насока и кои се прилагодуваат на временските услови, а тука е и карактеристична светлосна лента која се протега по целата ширина на решетката на ладилникот. Со четири нови бои и четири нови дизајни на фелните од 16 до 19 инчи, се заокружува прекрасната свежа целина.
Промените во внатрешноста се порадикални. Во VW ја решиле најголемата замерка, а тоа е употребата на тврда пластика на кокпитот и страните на вратите, која сега е рафинирана со користење на помеки пена материјали.
Централниот дигитален мултимедијален дисплеј (дијагонала до 9,2 инчи) сега е поставен повисоко за подобра видливост и е во иста линија на видот како и инструмент таблата од 8 до 10,25 инчи, која сега е дигитална веќе со почетниот пакет на опрема.
Мултимедијата сега доаѓа со системот Discover Pro, кој вклучува, меѓу другото, поврзување за користење стриминг услуги, на пример за музика и безжична компатибилност со Android Auto и Apple CarPlay.
Новина се и контролите на допир за автоматска контрола на климата, истите кои се видени во последната генерација на Golf, Tiguan и Polo, додека рачката на автоматскиот менувач и воланот имаат нов дизајн.
Моторната понуда кога станува збор за бензинската понуда вклучува 3-цилиндерски 1.0-литарски мотор со 110 КС, 1.5-литарски 4-цилиндерски со 150 КС, а на некои пазари и моќен дволитарски со 190 КС. Дизелот и понатаму е претставен со 2.0 TDI од 115 и 150 КС, а во зависност од верзијата во понуда се и 7-степен DSG менувач со две спојки како и 4Motion погон на сите тркала. Бензинскиот топ моделот T-Roc R 2.0-турбо располага со 300 КС и достигнува 100 km/h за 4,9 секунди. Според тоа, ниту еден мотор не доживеал електрификација за кое било прашање – со следната генерација тоа сигурно нема да биде така.
Она што вреди да се спомене во однос на опремата за помош при возење е секако имплементацијата на системот Travel Assist, кој со комбинирање на адаптивниот темпомат и активното одржување во сообраќајна лента до брзина од 210 km/h дејствува сам при управувањето, забрзувањето и сопирањето. Рацете, се разбира, мора да се држат цврсто на воланот, што го препознаваат вградените нови сензори во управувачот.
Прилагодливиот темпомат кој ги предвидува ситуациите на патот користи предна камера и GPS навигација, а сега има и функција Lane Assist која ја надгледува „слепата точка“ и, доколку е потребно, активно интервенира на воланот за да ве врати во лентата и да избегнете потенцијални судири.
ФОТО ГАЛЕРИЈА
T-Roc
[useyourdrive dir=”1HVJHI9OP9FKxgKFGPCYQaghUPP6Q_yTr” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
T-Roc Cabriolet
[useyourdrive dir=”1BE2J6G_8dxDxL8s2sFgB4_-yJqLpr4qa” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
T-Roc R
[useyourdrive dir=”1k49luucQDTtbecSCvnd_YcfLJYUT8m-p” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Редизајнот ја опфаќа целата гама на T-Roc, вклучувајќи ја гореспоменатата верзија R, како и кабриолетот со платнен покрив со четири седишта, кој беше лансиран дури во 2020 година и доаѓа само со бензински единици. Клиентите ќе имаат избор помеѓу пакетите на опрема Base, Life, Style и R-Line, а почетокот на продажбата е закажан за средината на следната година, кога ќе се знаат и цените.