Компанијата учествувала во практична обука на спасувачи, уништувајќи неколку свои автомобили

Првиот час по немил настан е клучен за спасување на нечиј живот. Секоја секунда е важна, па затоа е важно спасувачкиот тим да биде совршено координиран и да ја заврши целата работа за спасување на жртвата на сообраќајна несреќа во најкус можен рок.

Во оваа практика е неопходен метод за постигнување висока ефикасност на тимот, па затоа во Volvo одлучиле активно да учествуваат во обука на неколку спасувачки тимови. Од тие причини Volvo фрлил десетина автомобили со помош на кран од висина од 30 метри и на тој начин симулирал екстремен судир, оставајќи ги спасувачките екипи да се обидат што побрзо да ги ослободат патниците од возилото.

Обука на спасувачки тимови предводени од пожарникари најчесто се врши на остатоци од отпад, но ова е многу пореална средина. Volvo на тој начин бил во можност да симулира неколку типови на несреќи, од оние помеѓу две возила со различна големина, до судири во кои не се активираат никакви зони на деформација. Во сите нив, спасувачите практикувале техники на ослободување, почнувајќи од процедурите за „напад“ на лимот, сè до изборот на оптимални поставки на одделни алатки, на пример хидраулични ножици за сечење метален лим.

Volvo искршил нови возила кои, со својата технологија на производство и материјали, значително се разликуваат од хаварисаните стари возила на кои вообичаено се практикуваат техники за спасување.

Во секој случај, спасувањето од понови возила е дефинитивно потежок предизвик. Затоа, извештајот базиран на овие практикувани случаи ќе биде од голема важност за шведските спасувачи со кои Volvo соработува со години.

 

Loading...