Volkswagen започна со продажба на две хибридни верзии на Touareg
Спортската модификација R е најмоќниот сериски модел на брендот
Германскиот производител Volkswagen објави старт на продажбата на две хибридни верзии од својот модел предводник Touareg. Станува збор за стандардниот Touareg eHybrid, чиј погон е систем од електромотор и бензински агрега со вкупно 381 КС и Touareg R, кој со своите 462 КС е најмоќниот автомобил не само во гамата на моделот, туку и генерално во понудата на Volkswagen.
Двата хибридни теренци се опремени со погон на четири тркала и се испорачуваат со широк спектар на опрема. Дури и во основната верзија е се вклучени 4-зонски автоматски клима уред, Innovision Cockpit со дигитални отчитувања на контролните инструменти, систем за навигација Discover Premium и панорамски покрив со механизам за лизгање и кревање. Стандардната опрема на Touareg R го вклучува и интерактивен матрикс систем IQ. Light на предните LED светла.
Двата теренци нудат автономија од 47 километри само на електрична енергија, што се постигнува со целосно наполнета батерија со капацитет од 17,9 kW / h (од кои употребливи се 14,3 kW/h). Производителот наведува просечна потрошувачка на гориво од 2,6 l/100 km за Touareg eHybrid и 2,7 l / 100 km за Touareg R (WLTP циклус).
Plug-in хибридните системи во двете верзии овозможуваат полнење на батеријата и во режим рекуперација на енергијата. Тоа се случува при движење по инерција, особено при спуштање по надолнина. Управувачката електроника користи податоци од GPS системот, што исто така помага да се намали потрошувачката и да им овозможи на двете верзии да постигнат комбинирана километража до 810 км со едно полнење.
SUV возилата можат да влечат товар до 3,5 тони, а исто така се опремени со најсовремени безбедносни системи и асистенти за возачот. Благодарение на системот Travel Assist, на пример, Touareg е првиот модел на Volkswagen способен да го поддржи возачот при делумно автономно возење со брзина до 250 km/h во рамките на ограничувањата на системот.
Touareg е исто така првиот модел на брендот кој може автоматски да влегува и да излегува од паркинг простор со новиот Park Assist со далечински управувач за паметен телефон. Овој систем работи со далечински управувач не само со бензински V6 мотор, туку и во целосно електричен режим E-MODE со нула емисии.
ФОТО ГАЛЕРИЈА
Touareg eHybrid
[useyourdrive dir=”1Q6TBap4jF3_ZfjEGPrZ4yVsL5SKUqniY” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
ФОТО ГАЛЕРИЈА
Touareg R
[useyourdrive dir=”1Fc4Wi718W6RtKbU3A36aimmRXpOXdpKT” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]