Volkswagen планира да продаде дел од Porsche?!
Bloomberg Intelligence проценува дека новата компанија во зародиш може да достигне вредност до 85 милијарди евра
Volkswagen и Porsche SE (компанијата која поседува најголем дел од акциите на Volkswagen) објавија соопштенија во кои наведуваат дека разговараат за издвојување на легендарниот производител на спортски автомобили Porsche како независен производител преку иницијална јавна понуда (ИПО) на неговите акции. Ќе се тргува само со 25% од акциите, што ќе им овозможи на Volkswagen и Porsche SE да ја задржат контролата над компанијата.
Ова наликува на она што го направи FCA го направи со Ferrari во 2015 година. Откако во октомври 2014 година беше објавена намерата Ferrari да стане посебен ентитет, FCA го создаде Ferrari N.V. и продаде 10% од обичните акции на Њујоршката берза.
Тој потег не е само начин за зголемување на вредноста за акционерите. Неговата примарна цел би била да му понуди на Volkswagen нова опција за финансирање. Со продажба на 25% од акциите на Porsche, германската групација би имала пристап до повеќе пари за инвестирање во електрификација.
Bloomberg Intelligence проценува дека новата компанија може да достигне вредност до 85 милијарди евра, или околу 96,5 милијарди долари по тековниот девизен курс. Моменталната пазарна капитализација на Фолксваген е 129,5 милијарди долари.