Листа на категории

За време на периодот на евалуација во Германија, од јули 2020 година до јуни 2021 година, 17,9 проценти од прегледаните возила покажале значителни или опасни недостатоци

Германската експертска организација TÜV секоја година ги објавува своите извештаи за квалитетот на возилата, базирани на милиони извршени технички прегледи, поточно 9,6 милиони во наведениот период. Во периодот на евалуација од јули 2020 година до јуни 2021 година, 17,9 отсто од прегледаните возила покажале значителни или опасни недостатоци (2 отсто помалку од периодот претходно). 

За 0,5 отсто е намалено и учеството на возилата со помали недостатоци (9,1 отсто). Ова покажува дека сопствениците на возила имале повеќе време да го одржуваат автомобилот за време на карантинот. Исто така, помладите користени автомобили за време на пандемијата останале на германскиот пазар наместо да се продаваат во странство.

И покрај позитивните движења, на патиштата се уште има многу возила кои ја загрозуваат безбедноста во сообраќајот. Околу 0,04 отсто од испитаните возила се отстранети од патиштата. Во однос на сите извршени главни контроли, тоа се околу 10.000 возила. Десет пати повеќе возила морале веднаш да отидат во сервис со опасни дефекти како што се истрошени дискови на сопирачките, сериозно оштетени гуми или целосен дефект на стоп светлата (0,4 проценти). Просечната старост на германските автомобили во моментов е 9,8 години. Во 2011 година, просекот бил 8,3 години.

Но, кои возила се покажале особено добри во статистиката? Како и во претходните две години, севкупен победник е Mercedes GLC. Стапката на значителни дефекти кај теренците од две до три години е 1,5 отсто. Ова е најниската вредност од сите тестирани автомобили. На второ и трето место се Mercedes B-Class (1,9 отсто) и Volkswagen T-Roc (2,0 отсто).

Во другите возрасни групи, Audi Q2 (2,1 отсто) е победник во категоријата на возраст од четири до пет години, а Porsche 911 (3,3 отсто) кај оние на возраст од шест до седум години. Меѓу постарите возила стари од осум до девет години, Audi TT е на врвот. На возраст од десет до единаесет години, тоа е 12,5 проценти.

Во рејтингот по класа на возила, Opel Karl (3,4 проценти) е победник во микро класата. Кога станува збор за малите автомобили, пред сите е Audi A1 (2,9 проценти), додека победници во компактната, средната и ван класата се Mercedes A, C и B-класа.

Најлоши резултати во новиот TÜV извештај бележат Dacia Logan во возрасните групи до 3 години и до 11 години со стапка на дефекти од 11,6 и 36,8 проценти соодветно, а во возрасната група до 5 години, BMW Серија 5/6 е пред сите со 16,8 проценти. Fiat Punto има најголем процент во возрасната група 7 години со 23,3 проценти. До 9 години најнеславен резултат има Renault Kangoo со 31,8 отсто.

Возила со најмалку дефекти по старост (до 3 и 5 години)

Возила со најмалку дефекти по старост (до 7 и 9 години)

Возила со најмалку дефекти по старост (до 11 години)

Возила со најмногу дефекти по старост (до 3 и 5 години)

Возила со најмногу дефекти по старост (до 7 и 9 години)

Возила со најмногу дефекти по старост (до 11 години)

• Mercedes
• Mercedes GLC
• TÜV
• TÜV Report 2022