Топ 10 најекономични автомобили за 2018 година во САД
Според потрошувачката на гориво, најмалите модели се доближуваат до хибридите
Иако во последно време повеќето луѓе се откажуваат од традиционалните автомобили на сметка на се попопуларните кросовери и SUV модели, малите hatchback модели и седани остануваат најекономични автомобили. И не само тоа. Тие според потрошувачката на гориво се приближуваат до хибридите. Да не зборуваме дека нивната ниска цена е исто така од голема важност за потрошувачот.
Агенцијата за заштита на животната средина на САД (EPA) направила класификација на 10-те најекономични автомобили достапни на тамошниот пазар. Наведените цени се за основните верзии на моделите.
10. Chevrolet Spark
Потрошувачка на гориво – градско возење 7,84 l / 100 km, надвор 6,19 l / 100 km.
Цена – 13.925 долари.
Малиот Chevrolet Spark технички се класифицира како градски автомобил, чија одлика е лесно наоѓање паркинг простор и одличен маневар во ограничен простор. Под предниот капак на моделот е поставен 1.4-литарски 4-цилиндерски мотор впарен со CVT пренос.
9. Toyota Camry
Потрошувачка на гориво – градско возење 8,11 l / 100 km, надвор 5,74 l / 100 km.
Цена – 24.390 долари.
Тојота Camry е единствениот средно голем седан кој влегува во Топ 10 најекономични автомобили за 2018 година. Станува збор за основниот модел со 2.5-литарски 4-цилиндерски мотор и 8-степен автоматски менувач. Моделот, исто така, има хибридна модификација која троши уште помалку гориво.
8. Toyota Corolla
Потрошувачка на гориво – градско возење 7,84 l / 100 km, надвор 5,88 l / 100 km.
Цена – 19.445 долари.
Станува збор за модификацијата Toyota Corolla LE Eco, опремена со 1.8-литарски 4-цилиндерски мотор кој може да се комбинира со различни преноси. Меѓу сите верзии достапни на американскиот пазар, потрошувачката на гориво кај оваа е најниска.
7. Ford Focus
Потрошувачка на гориво – градско возење 7,84 l / 100 km, надвор 5,88 l / 100 km.
Цена – 18.735 долари.
Најекономична верзија на компактниот модел е верзијата со EcoBoost 1-литарски 3-цилиндерски мотор. Американската агенција истакнува дека овој Ford Focus е еден од идеалните компактни автомобили за надвор од градските средини.
6. Nissan Versa
Потрошувачка на гориво – градско возење 7,59 l / 100 km, надвор 6,03 l / 100 km.
Цена – 12.995 долари.
Компактниот четиривратен Nissan Versa е најевтиниот нов автомобил кој се продава во САД. Автомобилот е достапен со CVT пренос и 5-брзински мануелен пренос, со кој потрошувачката на гориво е малку повисока.
5. Toyota Yaris iA
Потрошувачка на гориво – градско возење 7.35 l / 100 km, надвор 5,88 l / 100 km.
Цена – 16.845 долари.
Тојота Yaris iA е истиот компактен седан кој е достапен и во други земји низ светот под името Mazda2. Моделот е опремен со 1.5-литарски 4-цилиндерски мотор. Автомобилот доаѓа со богата и современа опрема што го прави да изгледа како многу поскап автомобил.
4. Hyundai Elantra
Потрошувачка на гориво – градско возење 7.35 l / 100 km, надвор 5.88 l / 100 km.
Цена – 17.835 долари.
Во рангирањето на 10-те најекономични автомобили за 2018 година се појавува верзијата на корејскиот седан Hyundai Elantra со 1.4-литарски 4-цилиндерски турбо агрегат и 7-брзински автоматски менувач. Сите други модификации на компактниот автомобил трошат малку повеќе гориво.
3. Honda Civic
Потрошувачка на гориво – градско возење 7.35 l / 100 km, надвор 5.6 l / 100 km.
Цена – 19.730 долари.
Американската агенција посочува дека не станува збор за базниот Honda Civic, туку за модел со 1.5-литарски турбо агрегат. Исто така за забележува дека верзијата со 2-литарски мотор претендира да биде еден од најекономичните автомобили на локалниот пазар.
2. Honda Fit
Потрошувачка на гориво – градско возење 7,13 l / 100 km, надвор 5.88 l / 100 km.
Цена – 17.080 долари.
И покрај својата скромна големина, Honda Fit е простран и практичен. Во класификацијата влегува верзијата опремена со 1.5-литарски 4-цилиндерски мотор и CVT пренос. Се забележува дека а модификација со механички менувач троши малку повеќе гориво.
1. Mitsubishi Mirage
Потрошувачка на гориво – градско возење 6,36 l / 100 km, надвор 5,47 l / 100 km.
Цена – 14.260 долари.
Најекономичниот автомобил за 2018 година на американскиот пазар е компактниот Mitsubishi Mirage. Под хаубата се наоѓа 1.2-литарски 3-цилиндерски мотор впарен со CVT трансмисија.