Albanian
English
Macedonian
Tesla Model S Plaid e нов светски рекордер на четвртина милја / ВИДЕО
Tesla Model S Plaid е официјално најбрзиот сериски автомобил во светот кога станува збор за спринт на четвртина милја (402 метри)
Овој импресивен рекорд е поставен на патеката World Wide Technology Raceway, Медисон, Илиноис, а во видеото може да се види изненадувачки тивко возење за ваков тип на авто-мото дисциплина.
Во клипот од 31 секунда, можеме да го видиме електричниот супер седан како се подготвува за совршен обид. Неколку моменти подоцна, тој едноставно го „проголтува“ патот напред, поминувајќи ја целта за само 9,08 секунди, со брзина на излез од 248 km/h.
За да овие бројки бидат поразбирливи, ќе кажеме дека Dodge Challenger Demon го помина истото растојание за 9,65 секунди, со излезна брзина од 235,31 km/h. Секако, ова е моќен „muscle“ автомобил со V8 мотор, кој испорачува 850 КС. Bugatti Veyron Super Sport, кој своевремено го собори брзинскиот рекорд, четвртина милја минува за 9,7 секунди (брзина на излез 233,35 km/h).
Меѓу другите „луди“ спринтери се и McLaren P1, Porsche 918 Spyder и Ferrari LaFerrari (сите 9,8 секунди). „Убиецот“ на хиперавтомобили, McLaren 720S, четвртина милја минува за 9,9 секунди (238,5 km/h). Bugatti Chiron ова растојание го минува за 9,99 секунди (238,18 km/h), додека Koenigsegg Agera RS и McLaren Senna имаат резултат од 9,96, односно 10,1 секунди. Тука е и Lamborghini Huracan Performante со атмосферскиот V10 со време од 10,2 секунди. (218,87 km/h).
Tesla Model S Plaid бара многу подготовка и специјална смола што го покрива асфалтот, за да може да забрза до 100 km/h за две секунди. Сепак, автомобилот е страшно брз и без тоа.