Tesla ги обвини Кинезите дека не знаат да возат
Компанијата треба да сервисира 30.000 електрични автомобили во земјата
Tesla во своите сервисни станици во Кина треба да сервисира 18.000 примероци од своите електрични возила Model S и Model X, произведени од 17.09.2013 до 15.01.2018 година. Сите се увезени од САД и имаат проблем со суспензијата која буквално може да се распадне. Сепак, производителот тврди дека нема дефект во автомобилите, а за штетата се виновни кинеските потрошувачи, кои не знаат да возат.
Сепак, локалните регулатори, Државниот завод за регулација на пазарот (SAMR) и Центарот за управување со неисправни добра (DPAC), не се согласуваат со таквиот став и бараат од Tesla бесплатно да ги поправи автомобилите. Според проценките ова се однесува на 29.193 единици од Model S и Model X.
Tesla е категоричен дека нивните електрични автомобили добри, но сепак ќе го исполнат барањето на властите, бидејќи сакаат да избегнат судски спорови и исто така да ја задржат својата репутација на важен пазар како Кина.
Компанијата веќе ја извести NHTSA (Агенција за безбедност на сообраќајот на САД) за претстојната акција за услуги во Кина. Според правниот советник на Tesla, Елизабет Микитук, проблемите со суспензијата се должат на невнимателното возење од страна на кинеските потрошувачи. Тие не ја намалуваат брзината на нерамни патишта и удираат во тркалата во рабниците. Сепак, таа признава дека штетата во Кина е двојно поголема отколку во САД – 0,1 наспроти 0,05%.
Претставникот на Tesla додава дека компанијата ќе сервисира 18.182 единици, а не 29.193 од вкупниот број на проблематични автомобили. Целосен ремонт е потребен кај 5.411 единици на Tesla Model S, додека сервисирањето кај останатите ќе биде само делумно.