Со украден Range Rover искршил најмалку 10 автомобили и избегал / ВИДЕО
Луѓето со ментални нарушувања стануваат многу опасни кога ќе седнат зад воланот. Особено кога на располагање имаат добар автомобил.
На видео снимката од една од улиците во Лондон може да се види возач кој се однесува на многу чуден начин. Како што се испоставило подоцна, станува збор за крадец кој штотуку „украл“ Range Rover Sport. Во еден момент му попуштиле нервите и едноставно почнал да удира во се што му се наоѓа на патот. Преплашените минувачи почнале да бегаат и да викаат полиција.
Оштетени се неколку автомобили, меѓу кои и украдениот Range Rover Sport. Крадецот сигурно бил очаен за да донесе одлука да уништи толку прекрасен примерок. По кратко време истрчал од автомобилот и со друго возило се оддалечил од местото на настанот. Полицајците кои пристигнале на местото на настанот собрале докази и започнале истрага. Видео снимката е од мината година, па се надеваме дека успеале да го фатат.