Што може да се „улови“ во езеро деновиве? На пример Lamborghini!
Lamborghini Huracan Performante, автомобил вреден повеќе од 250.000 евра, потонал во езерото Мондси во Австрија. Всушност станува збор за глупава грешка
31-годишен Швајцарец при обид за дрифтање ги помешал педалите за гас и сопирање и „одлетал“ во езерото. Брзината веројатно била голема бидејќи ова Lamborghini одлетало 15 метри и потонало 5 метри под површината на водата.
Возачот успеал да излезе и да доплива до брегот, а потоа бил пренесен во блиската болница.
За операцијата извлекување на возилото биле потребни пет нуркачи, спасувачки балон и влечен кран. Извлекувањето траело околу 3 часа.
