Серхио Перез останува во Red Bull и во 2022 година
Серхио Перез и Red Bull и официјално ја продолжија соработката за најмалку уште една сезона
Мексиканецот се приклучи на Red Bull претходно оваа година со едногодишен договор, но со добрите возења заработи нов договор кој го врзува со Red Bull уште најмалку една година.
Минатата година Red Bull се одлучи за Серхио Перез иако на располагање имаа многу млади перспективни и квалитетни возачи. Перез, со 32 години на грбот, го замени младиот Александар Албон, кој едноставно не беше доволно постојан во резултатите за очекувањата на Red Bull.
На 11 трки сезонава, Перез освои два подиума, вклучувајќи ја и неговата втора победа во кариерата на трката за ГН на Азербејџан.
„Многу сум среќен што влегувам во новата ера Formula 1 со одличен тим како Red Bull, тоа е одлична можност за мене. Сите започнуваат од нула следната година, така што мојата единствена цел е да бидам во врвот заедно со Red Bull“.
„Секогаш е потребно време да се навикнеш на нов тим, но оваа сезона работите поминаа добро и јас навистина уживам во семејството на Red Bull. Работевме напорно за да ги постигнеме резултатите, па затоа е одлично да се види дека тимот има верба во мене и за во иднина “.
„Имаме уште многу работи да постигнеме во оваа сезона полна со предизвици. Затоа се надевам дека добро ќе ја завршиме годината и ќе го пренесеме тој импулс и во 2022 година. Би сакал да им се заблагодарам на сите што ме поддржуваат, особено во Мексико. Од моите спонзори до фановите, сите беа многу ентузијасти откако дојдов во Red Bull, па се надевам дека ќе можеме да ги наградиме со титули “.
Im very happy to announce that I'm continuing with @redbullracing for next year. Now our focus is on winning the championship for the team.
Muy feliz de anunciarles que continúo con el equipo para la próxima temporada, ahora el enfoque es en ganar el Campeonato para Red Bull. pic.twitter.com/uEdy0oGmAp— Sergio Pérez (@SChecoPerez) August 27, 2021
Перез е на петтото место во поредокот на возачите со 104 бода. И покрај неколкуте квалитетни настапи, Мексиканецот се мачеше да се прилагоди на болидот во дел од сезоната. Пред четири недели во Унгарија, Перез се повлече од трката по судирот со Валтери Ботас.
Шефот на тимот Кристијан Хорнер вели дека Red Bull е многу задоволен што продолжува да работи со Перез. Во својата изјава, Хорнер ја истакна важноста на искуството на Перез.
„Чеко е многу почитуван во тимот. Неговото искуство и возачки способности се многу важни во нашата борба за конструкторскиот шампионат. Неговата интеграција во тимот помина без проблеми и ние сме воодушевени од неговите возења во првата половина од сезоната“.
„Следната сезона преминуваме во новата ера на Formula 1 со целосно нови прописи и болид. Со повеќе од 200 трки и деценија искуство во својот појас, Чеко ќе биде интегрална улога во транзицијата на тимот во нова ера “.
„Нашиот актуелен фокус е да ја завршиме 2021 година на најдобар можен начин, а во исто време фокусот е насочен кон следната“.