Сензори во мобилните телефони: Уредите на Apple сами ќе пријавуваат во итните служби дека возачите доживеале сообраќајна несреќа!
Apple досега, наводно, открил повеќе од 10 милиони сомнителни судири на возила, вклучувајќи повеќе од 50.000 по кои следел повик до службата 911
За e-Call веројатно се слушнале – станува збор за систем вграден во автомобилите кој треба да ги извести службите за итни случаи дека нешто чудно им се случило на автомобилите, следејќи ги нивните параметри, а особено наглата деакцелерација. Но, постои едно многу поедноставно решение. Според документите до кои дошол The Wall Street Journal, Apple веќе следната година треба да воведе технологија за откривање судир во своите паметни телефони. Сè што прави e-Call ќе го прават уредите на Apple. Со помош на сензори ќе ги следат наглите забрзувања или забавувања, а во случај возачот да не реагира, ќе ги информираат службите за итни случаи за локацијата на можна несреќа.
Apple досега, наводно, открил повеќе од 10 милиони сомнителни судири на возила, вклучително и повеќе од 50.000, проследени со повик до 911 или возачите сами ги повикале службите за итни случаи. Експертите стравуваат дека со автоматизацијата на Apple, службите за итни случаи би можеле да бидат преоптоварени со повици по кои нужно и не би биле потребни интервенции.