Претставен најмоќниот Renault Megane RS Trophy досега / ФОТО+ВИДЕО
Ветено минатата, реализирано оваа година. Минатата година дебитираше стандардниот Megane RS, за деновиве да биде претставена унапредената помоќна Trophy верзија наменета пред се за тркачки патеки
Погонскиот агрегат, 1.8-литарски турбо со четири цилиндри испорачува 300 „коњи“ наместо 280, а максималниот вртежен момент од 390 Nm е зголемен на 400 во верзијата со рачен менувач или 420 Nm во верзија со автоматски менувач со двојна спојка.
Тоа не е се, бидејќи Trophy верзијаѕа ќе се нуди со стандардна Cup шасија, што значи дека ќе има поцврста суспензија и механички диференцијал Torsen со ограничено пролизгување. Францускиот hot-hatch е поставен на ексклузивни 19-инчни алуминиумски бандажи замотани со гуми Bridgestone Potenza S001. Од 2019 година моделот ќе добие и опционални бандажи со иста големина, но со 2 килограми помалку и гуми Bridgestone Potenza 007.
Говорејќи за тркала, зад нив се поставени новоразвиени двокомпонентни дискови на сопирачките, кои одземаат дополнителни 1,8 килограми маса по тркало, а се спарени со Brembo црвени вилушки.
Со оглед дека ова е Cup шасија, тоа значи 25 отсто покрути амортизери и 30 отсто поцврсти пружини во однос на Megane RS со шасија Sport. Хоризонталните стабилизатори се поцврсти за околу 10 отсто.
Верзијата Trophy, исто така, има погон на сите тркала. За дополнителна сума на пари, клиентите можат да додадат и Recaro седишта со нов дизајн. Обложени со алкантара, овие седишта ја спуштаат положбата на седење за 20 милиметри.
ФОТО ГАЛЕРИЈА
[useyourdrive dir=”1KVPpKKxoUr8ONXXflIbibEXg5z-hGzpp” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” maximages=”0″ slideshow=”1″ previewinline=”0″ showsharelink=”1″ showrefreshbutton=”0″ search=”0″ showbreadcrumb=”0″]
Што се однесува до перформансите, од Renault објавија податоци само за верзијата со 6-степен мануелен менувач. До стотка стигнува за 5,7 секунди, додека максималната брзина е 260 km/h. Во трет степен на пренос од 80 до 120 km/h забрзува за само 3,1 секунди. Со поголема моќност и напреден EDC пренос, Megane RS Trophy би требало да биде уште побрз.
Развиен од Renault Sport со помош на Нико Хулкенберг, новиот Megane RS Trophy во Европа ќе стане достапен нешто подоцна оваа година.