Премиера за рестилизираната Porsche Panamera / ФОТО+ВИДЕО
Porsche објави фотографии и технички детали за рестилизираната Panamera за моделната 2021, како и за новата Turbo S верзија
Сеуште актуелната, втора генерација на Panamera својата премиера ја имаше во 2016 година, па дојде време германската компанија да претстави и освежување на истата.
Сите верзии на Panamera (вклучувајќи ја и Sport Turismo како и проширената Executive варијанта) сега стандардно имаат Sport Design предница со поголеми отвори за воздух, а тука се и ажурираните LED задни светла, новиот дизајн на 20 и 21-инчните алуминиумски тркала, како и новиот сет на бои за каросеријата. Panamera Turbo S има и aero body кит, додека Panamera GTS се одликува со нови, затемнети Exclusive-Design задни светла.
Кога станува збор за технологија и асистенција на возачот, тука се Porsche Communication Management (PCM), безжичен Apple CarPlay, волан од новата генерација, систем за одржување на возилото во сообраќајна лента, препознавање на сообраќајни знаци, темпомат, системот Night Vision, LED matrix предни светла, Parking Assist, Head-up дисплеј, прилагодливо воздушно потпирање, сопирачки со керамички композити, ажурирани Porsche Active Suspension Management (PASM) i Porsche Dynamic Chassis Control Sport (PDCC Sport), вклучително и Porsche Torque Vectoring Plus.
Основната верзија се придвижува со 2.9-литарски Biturbo V6 мотор со 330 КС и 450Nm, Panamera GTS сега има 480 КС и 620Nm (20 КС повеќе од порано), додека Panamera Turbo S под капакот има 4.0-литарски Biturbo V8 мотор со 630 КС и 820Nm (80 КС и 50 Nm повеќе од претходната Turbo верзија). Верзијата Panamera Turbo S во Sport Plus режим до 100 km/h забрзува за 3,1 секунди пред да достигне максимални 315 km/h.
Вниманието го привлекува и Panamera 4S E-Hybrid, комбинација од 2.9-литарски бензински V6 мотор, електричен мотор со 100 kW / 136 КС, батерија од 17,9 kWh и 8-брзински PDK менувач. Комбинираната моќност е 560 КС и 750 Nm, а забрзувањето од 0 до 100 km/h трае 3,7 секунди, додека максималната брзина е 298 km/h (со стандардниот пакет Sport Chrono). Автономијата во чисто електричен режим е 54 км (според WLTP).
Во однос на потрошувачката на гориво, од Porsche истакнуваат дека Panamera Turbo S Sport Turismo има комбинирана потрошувачка од 13,0-13,3 l / 100 km и емисии на CO2 од 295-302 g/km, додека Panamera 4S E-Hybrid троши само 2.2-2 , 8 l / 100 km со емисија на СО2 од 51-64 g/km.
Рестилизираната Panamera веќе може да се нарача, а кај дилерите ќе биде достапна од средината на октомври.
За германскиот пазар цените започнуваат од 91.345 евра за основната Panamera, Panamera 4 чини 95.2289 евра, Panamera GTS стартува од 136.933 евра, Panamera Turbo S од 179.737 евра, додека Panamera 4S E-Hybrid има цена од 126.841 евра.