Листа на категории

По четири години на пазарот, BMW X7 летово пристигнува во редизајнирана и подобрена верзија со мотори до 530 КС

Во основа, моделот останува ориентиран кон удобност и просторност, но со дополнителна спортска нота во нивото на опрема M Sport и уште поефикасна варијанта M60i.

Што е главната новина?

Дефинитивно предниот дел на големиот SUV кој пристигнува со ново лице кое можеме да го очекуваме кај сите идни модели (X5, X6, Series 5, 7 …) со фарови поделени на две нивоа – горните се LED дневни светла, додека поголемите и подоле позиционирани се соборени и долги светла со LED матрикс технологија. Решетката на ладилникот ги задржала импресивните димензии од претходниот модел, а сега свети кога автомобилот е отклучен благодарение на функцијата „Iconic Glow“ (стандардна кај M60i и опционална кај другите верзии).

Промена има и кај задните светла кои сега се направени со LED тридимензионален ефект. Тука се и новите тркала од 20 и 21 инчи достапни во пакетот M Sport, а може да добиете и 23-инчни, најголеми досега на модел на BMW.

Во однос на бојата, дебитираат новата сина Marina Bay, достапна исклучиво за M60i и Sparkling Cooper сива за сите нивоа на опременост.

Големиот теренец на BMW (долг 5,15 метри, широк 2 метри и висок 1,81 метри) сè уште нуди голема просторност во салонот и конфигурација со 7 или 6 седишта, со посебни седишта во вториот ред за уште поголема удобност на на патниците.

Стандардната опрема за рестилизираниот X7 вклучува контрола на климата во четири зони, панорамски покрив од три дела, кожен тапацир BMW Individual Merino и волан со интегрирани рачки за менувачот. Во многу долгиот каталог на опции, се издвојуваат аудио системот Bowers & Wilkins и покривот Sky Lounge со LED точки за да го рекреираат ефектот на ѕвезденото небо.

На технолошко ниво, патничкиот простор може да се подобри со додавање на BMW Live Cockpit Plus со оперативен систем BMW OS 8 со заоблен екран од 12,3 инчи за инструмент таблата и 14,9 инчи за екранот од инфо-забавниот центар.

Во однос на погонот, BMW X7 нуди три 48-волти благи хибридни мотори со интегриран xDrive погон на сите тркала, а сите се комбинирани со 8-брзински автоматски менувач.

Стартниот мотор е 40d со 3.0-литарски 6-цилиндерски дизел мотор со 352 КС и 720 Nm. Следи 4.0i со 3.0-литарски 6-цилиндерски бензински мотор со twin-turbo и 380 КС и 540 Nm, додека на врвот од гамата е M60i со 4.4-литарски twin-turbo V8 бензинец од 530 КС и 750 Nm.

Новиот X7 сега повеќе се фокусира на искуството во возењето благодарение на погонот на сите тркала и активните стабилизатори кои ја подобруваат агилноста на теренецот. Пакетот xOffroad (достапен за дизелот и помалиот бензинец), од друга страна, е дизајниран да го направи BMW уште посестран кога се оддалечува од асфалтот.

Во однос на безбедноста, BMW X7 нуди опционален активен темпомат со функцијата Stop & Go, одржување на коловозната лента, Professional Parking Assistant… Вториот ги „памти“ последните поминати 200 метри со автомобилот и по активирањето може автоматски да го води возилото за време на маневрирањето. Про асистентот е исто така корисен особено кога закачувате приколка и сакате да се вратите во рикверц, бидејќи се грижи за контролата на педалата за гас, сопирањето и управувањето без интервенција на возачот.

ФОТО ГАЛЕРИЈА

BMW X7

[useyourdrive dir=”1O_iuQISLY9J_exulsRn6QnZZRj-txjkF” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

BMW X7 – M Performance Parts

[useyourdrive dir=”1vUcPHQsCRm6JSo6FOy4e-rBjxQ3KPJ4T” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

BMW X7 – Selection

[useyourdrive dir=”1oYhX-9Y_aAZzbyemDrrChZr9iDOQd5W1″ maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

BMW X7 M60i xDrive

[useyourdrive dir=”1PcidEBt4OtZwsKGFCQPh2_wn7S8ZQzQW” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

BMW X7 xDrive40i

[useyourdrive dir=”1UVt3cID3oC7Ch1a5U2VsFsS4AsJOfx6X” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

Првите испораки се планирани за август 2022 година, кога ќе бидат познати и цените …

• BMW
• BMW SUV
• BMW X7
• BMW xDrive