Премиум компактен седан со четири врати како „средна вредност“ помеѓу Серија 1 и Серија 3 во секоја смисла

Серија 2 GC практично се базира на Серија 1, што значи дека во основата е погон на предната оска.

Ако се земе во предвид дека станува збор за купе со четири врати, тоа подразбира стилски елементи како опаѓачка кровна линија, прозорци без рамки и прстенести LED дневни светла.

Во салонот главната улога ја има BMW Live Cockpit кој вклучува 10,3-инчен екран на допир и дигитална контролна табла од 10,3 инчи со безбедносни системи како што се следење на сообраќајната лента, темпомат…, а 9,2 инчниот head-up дисплеј е опционален.

BMW 2-Series Gran Coupe доаѓа во четири погонски варијанти, од кои едната е дизел.

Основната е 218i со 3-цилиндерски мотор кој развива 140 КС, додека 4-цилиндерскиот дизел 220d располага со 190 КС. Двете помоќни бензински верзии користат 2.0-литарски турбо бензинец. Послабата верзија, 228i xDrive e достапна само во САД и располага со 231 КС и 350 Nm вртежен момент и забрзување до 100 km/h за 6 секунди. Помоќната е M235i xDrive со 305 КС и 450 Nm и забрзување до стотка за само 4,7 секунди. И двете верзии се комбинирани со погон на сите тркала, заедно со 8-степен автоматски менувач.

BMW 2-Series Gran Coupe својата светска премиера ќе ја има на автосалонот во Лос Анџелес во ноември, а продажбата ќе започне во март 2020 година.

ФОТО ГАЛЕРИЈА

[useyourdrive dir=”1gv873oiR1Xb2PqmCfqt6QjGlPRJ_ZWhA” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]

Почетна цена во Германија ќе изнесува 31.950 евра (218i), 39.900 евра (220d), додека најмоќната варијанта M235i xDrive започнува од 51.900 евра.