Премиера: BMW i Vision Circular е концепт за градски автомобили кој може целосно да се рециклира / ФОТО+ВИДЕО
Германците повторно ги поместуваат границите на дизајнот со нов, смел концепт на градски автомобили за 2040 година
BMW i Vision Circular претставува концептот на електричен градски автомобил со четири седишта за иднината, кој е целосно еколошко возило. Ова значи дека целиот автомобил е направен од материјали кои може да се рециклираат на крајот од нивниот животен век, вклучувајќи ја и батеријата, според филозофијата на BMW „think, re:duce, use i re:cycle“.
Во BMW веруваат дека начинот на кој се произведуваат автомобилите е исто толку важен како и намалувањето на емисијата на штетни гасови и сакаат да постигнат климатска неутралност во текот на целиот живот на возилото. Тие планираат да го сторат тоа не само со замена на моторот со внатрешно согорување со електрична енергија, туку и со фокусирање на материјали и производство кои целосно може да се рециклираат. Притоа, компанијата сака да постигне намалување на емисиите на возила во животниот циклус за 40 проценти до 2030 година.
Во однос на дизајнот, може да се разбере дека станува збор за модел на BMW – но она што порано беа бубрези, сега се две надолжно развлечени дигитални површини низ целиот преден дел со имплементирани LED светла и можност за прикажување графика.
Карактеристичниот BMW дизајн, односно завршетокот на задниот страничен прозорец и задниот носач решетка за кров „hofmeister kink“ именувани по дизајнерот Вилхелм Хофмајстер, како што имаат сите модели на BMW до денес е присутен и овде.
Челичните компоненти на концептот ќе бидат изработени од секундарен (рециклиран) алуминиум и челик, а батеријата е исто така изработена од рециклирани материјали, кои можат да се користат повторно на крајот на животниот век на автомобилот.
Гумите, од друга страна, се направени од сертифицирана, одржлива природна гума и содржат обоени честички од рециклирана гума кои додаваат сила и создаваат карактеристичен изглед.
Покрај тоа, од BMW велат дека возачите ќе можат да испратат вишок енергија назад во електричната мрежа од батеријата на автомобилот. Ваквата поврзаност е само онаа карактеристика што можеме да ја очекуваме кај електричните модели на BMW во наредните години, иако може да помине извесно време пред да видиме сериски ентериер како овој во концептот на BMW.
Имено, во центарот на пилотската кабина доминира џиновска табла која користи светлосни ефекти за прикажување од компјутерскиот центар на автомобилот, а се забележува и недостатокот на видливи екрани. Во кабината воопшто нема конвенционални мерачи.
Очекувано, патниците седат на рециклирани седишта во боја на лаванда, додека квадратниот волан е направен од биоматеријал базиран на 3D, во овој случај дрвен прав.
ФОТО ГАЛЕРИЈА
[useyourdrive dir=”1IklCIIqpD10Q-lFKNGi_Oy6BAblzW1d6″ maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Концептот на BMW i Vision Circular ги покажува аспирациите на марката во иднина и можеме да очекуваме дека многу од нејзините идеи за одржливост во наредните години ќе бидат „вовлечени“ во идните модели на BMW.