Albanian
English
Macedonian
Премиера: Audi Q8 e-tron и Audi SQ8 e-tron / МЕГА ГАЛЕРИЈА+ВИДЕО
Не е само ознаката нова, туку и аеродинамиката, електричните мотори, полначите, заедно со повеќе „технолошки“ луксуз
Електричниот дебитантски e-tron на Audi од 2018 година, кој досега се продаде во добри 150.000 единици, во средината на ноември е преименуван во Q8 e-tron. Бидејќи не постои појасна ознака за големиот електричен SUV (Q8 e-tron) или купе SUV достапен веднаш од самиот почеток (Q8 e-tron Sportback). Но, не е само ознаката новост, туку и аеродинамиката, електромоторите, батериите, полначите…
Ова е третиот електричен модел што го нуди компанијата од Инголштад, заедно со неодамна претставениот granturismo e-tron GT и кросоверот Q4/Q4 Sportback.
„Со стратегијата Vorsprung 2030, го одредивме точниот датум на крајот на производството на мотори со внатрешно согорување и преминот кон исклучиво електричен погон во рок од 11 години“, изјави Маркус Дуесман, извршен директор на Audi, на презентацијата на втората генерација Q8 e-tron.
Напред, има ново издание на саќе маската „Singleframe“ која продолжува сè до работ на фаровите, која од горната страна фрла светлина на четирите прстени, новиот дводимензионален заштитен знак на Audi, а за првпат се среќаваме и со буквите на Audi на рамката на задната врата.
Коефициентот на отпорност на воздухот на Sportback паднал од претходните 0,26 на само 0,24, што има поволен ефект врз потрошувачката на енергија, односно досегот (600 километри во случајот на Q8 55 e-tron).
Сè друго е веќе видено на стариот e-tron од 2018 година, односно е-tron Sportback претставен две години подоцна. Телото е само два сантиметри подолго (4,92 метри), а подеднакво широко (1,94 метри) и високо (1,63 метри). Со должина од речиси пет метри, луксузната просторност на задните седишта ја гарантира меѓуоскиното растојание од 2,93 метри.
Не е тесно ни во багажникот од 569 или 528 литри (Sportback), особено што напред е таканаречениот „frunk“ со дополнителни 62 литри. Внатрешноста е речиси непроменета, барем во поглед на архитектурата со виртуелна инструмент таблапред возачот и два централни екрани (горе инфо-забава, долу клима уред).
Од почетокот на продажбата ќе има три верзии со погон на четири тркала. Основниот Q8 50 e-tron развива 341 КС и 664 Nm, со автономија од 491 километри (505 km за Sportback), средниот Q8 55 e-tron со истиот вртежен момент 409 КС со автономија од 582 километри (600 за Sportback), додека најмоќниот SQ8 e-tron со три електромотори – еден напред и два назад – постигнува 505 КС и 973 Nm, со автономија од 494 километри (513 km за Sportback). Максималната брзина за првите две изданија е ограничена на 200 km/h, а за SQ8 e-tron на 210 km/h.
Постојат две големини на батериите – 95 kWh (нето 89 kWh) за основниот Q8 50 e-tron и 114 kWh (нето 106 kWh) за Q8 55 e-tron и SQ8 e-tron, и двете може да се полнат на помоќни полначи (150 kW, т.е. 170 kW), така што не е чудно што до 80 проценти од капацитетот се полни за само 31 минута.
Новиот Q8 e-tron стандардно доаѓа со воздушна суспензија која ја крева или спушта каросеријата за 7,6 сантиметри по потреба, а би требало да биде поубедлив во свиоците благодарение на новиот прогресивен управувач.
Не се штедело ниту на безбедносната опрема, па новиот Q8 e-tron доаѓа со дури 40 системи за помош на возачот и до пет радари, пет камери и 12 ултразвучни сензори. Нова функција е системот што му овозможува на возачот, преку паметен телефон и апликацијата myAudi, да му наложи на автомобилот целосно да се паркира на тесни места за паркирање, потоа да го исклучи погонот, да ја активира рачната сопирачка и да ги заклучи вратите.
Новиот Q8 e-tron веќе може да се нарача, во двете каросериски верзии Q8 e-tron и Q8 Sportback e-tron, а во Германија цените започнуваат од 74.400 евра за основниот Q8 50 e-tron.
Audi Q8 e-tron quattro
Unknown error.
Audi Q8 Sportback e-tron quattro
Unknown error.
Audi SQ8 e-tron quattro
Unknown error.
Audi SQ8 Sportback e-tron quattro
Unknown error.