Потврда и од Stellantis. Peugeot 308 ќе има и крос-купе варијанта
Французите тргнуваат во офанзива во Ц сегментот
Новата генерација на Peugeot 308 е достапна од самиот почеток како хечбек и караван, но покрај конвенционалните мотори се нудат и верзии со батерии, поточно plug-in хибриди. Очигледно, опсегот на 308-цата значително ќе се зголеми во наредните години.
Францускиот стручен печат смета дека Peugeot со овој автомобил го таргетира Renault Arkanа, но дека одделот за развој добил сложена задача – не смееме да се загрози многу добрата продажба на SUV моделот. Значи не смее да има канибализација во портфолиото.
Уште една интересна гласина пристигнува од земјата на Галите – нема да има електрификација за Peugeot 308 Cross. Наместо plug-in хибрид, во понудата ќе има само термички мотори! Дури се верува дека дизелот ќе остане достапен за купувачите и со овој модел.
Кога би можеле да го видиме овој кросовер налик на купе? Некои француски новинари истакнуваат дека дебито ќе се одржи на пролет следната година, а производството ќе започне на крајот на истата. Наводно, првите примероци ќе им бидат доставени на сопствениците на почетокот на 2023 година.
Бидејќи Opel досега „слепо“ ги следи чекорите на Peugeot (бидејќи е дел од групацијата PSA, односно Stellantis), може да се очекува слична верзија да добие и новата генерација на Astra. Со таквиот пристап и остриот пад на продажбата на осмата генерација на Golf, јасно е дека дуото Astra-308 може сериозно да ја загрози лидерската позиција на хечбекот на Volkswagen.