Парадокс: штотуку пристигнат во салон, новиот Maserati MC20 вреди повеќе како користен отколку како нов
Застојот во производството на автомобили поради недостаток на полупроводници и чипови го зема данокот
Maserati MC20 е првиот легитимен суперавтомобил на италијанскиот производител по MC12 базиран на Ferrari Enzo и според се има врвни перформанси. Сепак, еден американски сопственик решил да го продаде својот примерок веднаш откако му било доставен.
Овој MC20 од 2022 година се продава преку аукциската платформа Bring-A-Trailer (https://bringatrailer.com/search/?s=Maserati+MC20), а новиот модел го купил дилер на Maserati од Санта Моника. Има поминато само 138 километри, а се нуди со прирачниците за сопственици, додатоци и чиста историја. Налепницата на прозорецот открива дека во моментот на пишувањето, автомобилот чинел 250.395 долари (надавањето е веќе на сума од 280.000 долари.
Надворешноста на автомобилот ја краси црна нијанса наречена Nero Enigma, надополнета со темни детали на праговите, предниот разделник и задниот браник. Суперавтомобилот е поставен на фелни од 20 инчи Corsa фелни во Matte Dark Miron нијанса обвиткани во гуми Bridgestone Potenza Sport. Сопственикот, исто така, како опција вклучил и систем за подигнување на суспензијата 4.000 американски долари) и карбон-керамички сопирачки од 10.000 американски долари со сини клешти.
Внатрешноста на кабината открива комбинација од Неро кожа и алкантара со црвени шевови Rosso. Меѓу главните карактеристики греење на седиштата, темпомат, полнач за безжичен телефон, дигитален ретровизор, далечински управувач и инфозабавен систем кој поддржува Android Auto и Apple CarPlay.
MC20 се придвижува со 3.0-литарски Nettuno V6 со два турбо полначи што е доволно за развивање на моќност од околу 620 КС и 729 Nm вртежен момент. Во комбинација со овој мотор е 8-брзински менувач со двојна спојка што ја испраќа моќноста на задните тркала преку електронски контролиран диференцијал за ограничено лизгање.
Застојот во производството на автомобили поради недостаток на полупроводници и чипови го зема данокот.
