Ова е новиот Porsche 718 Spyder RS Boxster! Полесен, побучен и помоќен, за вистинско уживање во возењето / ФОТО+ВИДЕО
Многу очекуваниот Porsche 718 Spyder RS земал сè од Cayman GT4 RS, нудејќи помала тежина и подобро управување
Со „boxer“ кој може да ротира до 9.000 вртежи во минута, сместен веднаш зад ушите на патниците, тој ќе биде еден од највозбудливите „droptop“ модели во понудата на брендот. Многу е веројатно дека ќе биде една од последните целосно нови понуди со мотор со внатрешно согорување со две седишта и средишно поставен мотор од Porsche, бидејќи марката планира да се префрли на EV варијанта од 2025 година.
Исто како Cayman GT4 RS, гореспоменатиот мотор својот живот го започна во 911 GT3. Поставен во средината, произведува 500 КС (368 kW), значително подобрување од 80 КС во однос на моделот без значката RS. Има вртежен момент од 449 Nm до 9.000 вртежи во минута.
Менувачот е исто така идентичен со GT4 RS. Не се нуди мануелна опција, но седумстепениот PDK менувач со краток сооднос брзо ќе ве провлече низ брзините, забрзувајќи до 100 km/h за 3,2 секунди и максимална брзина од 307 km/h.
Сличностите помеѓу Spyder RS и GT4 RS не се ограничени само на механиката. Има ист аеро третман на предниот дел, вклучувајќи дизајн на предниот браник и два канали што го опкружуваат пластичниот капак на багажникот зајакнат со јаглеродни влакна. Сепак, има некои промени.
На Spyder RS Boxster му недостасува огромното крило кое се наоѓа на задниот дел на Cayman GT4 RS. За да се осигури дека аеродинамиката останува избалансирана, предниот спојлер на кабриолетот е малку пократок и ја надополнува уникатната „паткина опашка“ на задниот дел. Лесниот спортски издувен систем на Porsche од нерѓосувачки челик доаѓа како стандард, како и препознатливите отвори за воздух зад потпирачите за глава.
Што се однесува до суспензијата, Porsche за оваа прилика ги ублажил работите во однос на својот брат со тврд покрив како што доликува на кабриолет. Има и Porsche Active Suspension Management и спортски пружини кои го спуштаат автомобилот за 30 mm, додека пружините и амортизерите се помеки отколку кај Cayman GT4 RS. Се разбира, добивате и механички диференцијал со ограничено пролизгување.
Оние кои сакаат повеќе можат да се одлучат за дополнителниот пакет Weissach. Пакетот Weissach донесува титаниумски издувни цевки, повеќе јаглеродни влакна, изложена хауба и уште неколку логоа за да му кажете на светот што точно возите.
Во продажните салони треба да пристигне напролет следната година, а најавена е и цената за американскиот пазар – 160.700 долари (147.112 евра). Јавно ќе се појави следниот месец на настанот со кој се слават 75 години од спортските автомобили на Porsche пред да се појави на Фестивалот на брзината во Гудвуд.