Листа на категории

Како што е најавено, Opel нема да учествува на септемврискиот саем за автомобили во Минхен

„Брендовите на групацијата Stellantis нема да учествуваат на овогодинешниот саем на IAA во Минхен“, потврди за Automotive News портпаролот на неодамна основаната автомобилска групација. Тоа значи дека настанот го прескокнуваат и Peugeot, Citroen, Fiat, Alfa Romeo и Jeep.

Stellantis не дава повеќе детали за нивната одлука, иако најверојатна причина се чини дека е нивната нова маркетинг стратегија која се фокусира на промотивни настани со еден бренд, наместо да потроши стотици илјади долари за да учествува на големи мулти-бренд изложби.

Според Automotive News, Opel ќе ја претстави новата генерација на Astra, еден од најважните производи на компанијата, еден месец пред настанот во Минхен.

Во меѓувреме, Volkswagen, Ford, Dacia, Polestar, Audi, Porsche, Cupra, Mercedes-Benz, BMW, Nio и Wey веќе го потврдија учеството во шоуто. Настанот кој ќе се одвива на повеќе локации во градот, а ќе учествуваат и брендови за велосипеди, технолошки компании и добавувачи, ќе го прескокнат и Jaguar Land Rover, Toyota и Kia.

На почетокот на овој месец, Opel го претстави модернизираниот теренец Grandland преку интернет, а во август годинава следи премиерата на сосема новата Astra.

• Stellantis