Новогодишен „танц“ на патеката со новиот Mercedes-AMG A45 / ВИДЕО
Ѕвезда на Божиќното видео на Mercedes е модел кој на прав начин ќе ја заокружи понудата за А-класата
Предпразничното расположение автомобилските производители го користат за пригодни Божиќни и новогодишни видео клипови со кои на своите фанови им ги честитаат претстојните празници.
Овој пат, Mercedes сакал да ја промени оваа рутина со краток филм кој не е типичен за традиционалните божиќни видеа, а во кој се главна ѕвезда е новиот A45 AMG, чија премиера се очекува наскоро.
Mercedes-A45 AMG од видеото кој и понатаму е покриен со камуфлажа, ќе има поагресивен изглед од сегашната најспортска верзија A35 и препознатлива Panamericana предна решетка која ги краси најмоќните AMG модели од најновата генерација.
Покрај големиот спојлер на покривот, кој е сличен на Mercedes A35, на задниот дел од возилото може да се приметат и два пара на издувни цевки.
Германскиот производител веќе откри дека A45 под хаубата ќе има сосема нов 4-цилиндерски 2.0 турбо бензински мотор кој произведува 400 КС (294 kW). Моторот е спарен со 8-степен автоматски менувач со двојна спојка.
Како и неговиот претходник, новиот A45 стандардно ќе биде опремен со 4MATIC погон на четири тркала, а новина е работниот режим Drift како кај моделот Mercedes-AMG GT Coupe со 4 врати купе.
Mercedes-AMG A45 официјално треба да биде лансиран во првите месеци од 2019 година.