Новата верзија на Tesla Model Y доаѓа со кинески погон и ќе се произведува во Германија
Tesla и BYD формираа партнерство, а благодарение на тоа, кинескиот производител веќе почна да ја снабдува Tesla со своите батерии
Новата, основна верзија на Tesla Model Y која ќе се произведува во Германија, очигледно ќе биде опремена со погон кој делумно доаѓа од Кина, односно од нивниот автомобилски гигант BYD. Tesla веќе добила одобрение од ЕУ за тој модел, а производството на новиот Model Y наводно треба да започне овој или следниот месец.
Во документите до кои дошле од Teslamag.de, новата верзија внатрешно се нарекува „Type 005“, а автомобилот има батерија со капацитет од 55 kWh, што е доволно за многу добар досег од 440 километри. Потрошувачката на енергија е само 15,5 kWh на 100 километри.
Се вели дека станува збор за револуционерна структурна батерија која е делумно дел од структурата на автомобилот. Сличен концепт претходно беше претставен од BYD на нивниот модел Seal. Новата верзија на Model Y тежи 2.087 kg, што е за 66 kg помалку од верзијата со батерија од 60 kWh која беше сертифицирана пред една година.
Се чека официјална потврда за новиот модел.