Нов рецепт на Audi за електромобилност. Првата луксузна станица за полнење на електрични автомобили во Германија / ФОТО
Полнете го вашиот автомобил додека се релаксирате во луксузна средина – ова е новиот рецепт на Audi за електромобилност. Престижната полначница во Нирнберг, Германија ќе биде отворена на 23 декември 2021 година
Посетата на повеќето станици за полнење електрични автомобили тешко да може да се нарече задоволство. Не е лошо ако полначот е пред трговски центар или уште подобро пред работното место. Потоа автомобилот го приклучуваме на штекер и одиме да си го завршиме своето. За жал, особено на пат, обично нема многу пријатни места каде што ве чека барем едно кафе.
Audi, сепак, има намера да докаже дека полнењето на електричните автомобили може да биде пријатно. Сето тоа благодарение на луксузните точки за полнење. Првата од нив штотуку е изградена во Нирнберг. Објектот се состои од шест станици за полнење до 320 kW.
Производителот проценува дека повеќето клиенти нема да поминат повеќе од половина час на ова место. За тоа време можете да се одморите во пријатни ентериери со површина од над 200 m2, да пиете кафе, да читате или да сурфате на интернет.
[useyourdrive dir=”1zIDYhZQDiOFoC5xN9TCrjv2mwdfeJV-C” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Треба да се напомене дека клиентите со претплата на Audi ќе плаќаат 31 евроцент за секој kWh, што е доста атрактивна цена. Покрај тоа, сите уреди може да се управуваат и резервираат со помош на апликацијата MyAudi. Веќе има планови за натамошни локации, иако се уште не е познато дали производителот има намера да изгради слични станици и надвор од Германија.