Белиот алкален метал стана дефинирачка карактеристика на глобалната трка за ослободување од фосилните горива и намалување на емисиите на штетни гасови

Глобалниот недостиг на клучната компонента во батериите ги поттурна цените на рекордно ниво, заканувајќи се да го запре растот и да ги уништи соништата за производство на подостапен електричен автомобил, пишува Daily Mail.

Илон Маск, најбогатиот човек во светот, кој штотуку склучи договор за купување на Twitter, вели дека можеби ќе основа и своја компанија за ископ на литиум за да обезбеди резерви.

Не е тешко да се види зошто. Цените на литиумот се зголемени шест пати од 12.000 долари по тон во 2017 година на 78.000 долари оваа година. Ова беше поттикнато од експлозијата на побарувачката за електрични возила, која ги зафати речиси сите.

Според Меѓународната агенција за енергетика, бројот на продадени електрични автомобили во светот се зголемил повеќе од двојно минатата година – на 6,6 милиони.

Бидејќи клиентите сè повеќе купуваат електрични автомобили, експертите предвидуваат дека побарувачката за литиум би можела да се зголеми до десет пати до крајот на деценијата. Додека Маск очигледно е позагрозен од повеќето производителите на автомобили, светските лидери и еколозите споделуваат голем дел од неговата загриженост.

Имено, овој мек, сребрено-бел алкален метал стана дефинирачка карактеристика на глобалната трка за ослободување од фосилните горива и намалување на емисиите на нула до 2050 година. Без сигурно снабдување со достапен литиум за големи батерии потребни во турбините на ветер и автомобилите, оваа цел изгледа неверојатна.

Целта, според Белата куќа, е „да ја намалиме нашата зависност од Кина и другите земји за минерали и материјали кои ќе ја поттикнат нашата иднина за чиста енергија“.

Проблемот е што не се минира доволно. Ова е делумно затоа што екстракцијата е тешка, скапа и одзема многу време. Основањето нови рудници може да трае со децении, а до неодамна и не ни требаа толку големи количини.

Металот генерално се наоѓа во наоѓалишта на глина, во минерална руда или во подземни џебови со вода. Екстракција обично вклучува два методи. Едниот е изградба на рудник, екстракција на глина или руда и сепарација на металот преку сложен процес. Вториот е испумпување на подземните наслаги на површината. Добиените солени акумулации се оставаат да испарат и литиумот се отстранува од исушените соли.

Војната во Украина и одлуката на Русија да го прекине снабдувањето со гас за Полска и Бугарија ги повика светските лидери да ја намалат зависноста од виталните ресурси од непријателските нации.

Се смета дека проблемот со литиумот е доволно итен за американскиот претседател Џо Бајден да се повика на итни овластувања за да го зголеми производството на клучни материјали за батерии, вклучително литиум, никел и кобалт според Законот за производство за одбрана, воспоставен од Хари Труман за време на Студената војна.