Наскоро би можеле да се одморате во хотел на Porsche: Porsche Design станува луксузен хотелиер …
Партнерскиот план, меѓу другото, е отворање бројни Steigenberger Porsche хотели во поголемите светски градови…
Германскиот производител на спортски автомобили неодамна објави партнерство со германската хотелска компанија Deutsche Hospitality, па во блиска иднина можеби ќе се најдете во Porsche Design хотел.
Партнерскиот план, меѓу другото, е да се отворат голем број Steigenberger Porsche хотели во поголемите градови низ светот, а компанијата ќе се натпреварува во „сегментот на луксузен начин на живот“. Deutsche Hospitality моментално има повеќе од 150 Steigenberger хотели и летувалишта на три континенти.
„Хотелите и одморалиштата Steigenberger и Porsche Design споделуваат заеднички вредности. Бараме највисоки стандарди за квалитет и ексклузивен дизајн, и се стремиме кон постојан развој. Заедно сакаме да им понудиме на нашите гости комплетно ново хотелско искуство “, вели извршниот директор на Porsche Design Group, др. Јан Бекер.
Имено, секој од хотелите на Porsche ќе има најмалку 150 соби, ресторани, барови и обемни капацитети за здравје и убавина.
„Нашите две компании го спојуваат најдоброто од двата света“, додава извршниот директор на Deutsche Hospitality, Маркус Бернхард. „Porsche Design донесува единствена филозофија за дизајн во партнерството. Речиси и да нема друга хотелска компанија освен Steigenberger која донела толку многу квалитет, услуга и страст во период од над 90 години. Со овие сили, создаваме нов и возбудлив производ кој ќе ги поттикне луѓето повторно да го откријат хотелскиот сектор“.
Deutsche Hospitality верува дека новосоздаденото партнерство со Porsche ќе биде „важен чекор во исполнувањето на зголемените барања за индивидуалност, ексклузивност, дизајн и уникатно хотелско искуство.