Листа на категории

Возачот на Ducati, Андреа Довициозо триумфираше по трети пат во последните четири години на Австриското Гран При, четвртата трка од MotoGP шампионатот, која ја одбележа тежок инцидент во осмиот круг помеѓу Жоан Зарко и Френк Морбидели

Довициозо, кој еден ден предходно објави дека по крајот на сезоната го напушта Ducati, стигна до својата прва победа сезонава, а 15-та во кралската класа. На тој начин, тој ја продолжи доминацијата на италијанскиот тим во Спилберг уште од нејзиното враќање во MotoGP календарот (пет триумфи во последните пет изданија на австриското Гран При). Во исто време Довициозо на својот тим му ја донесе 50-та победа во кралската класа.

Џоан Мир на Suzuki го зазеде второто место на Сузуки, додека трет беше возачот на Pramac Ducati, Џек Милер.

Австриското Гран При донесе многу тркачки возбудувања, но и хорор инцидент во осмиот круг. Зарко направи комплетно неочекуван потег при голема брзина, а Морбидели во неможност да избегне од позицијата удри право во него и двајцата завршија надвор од патеката, за среќа поминаа без сериозни повреди. Нивните мотори беа катапултирани и летаа со голема брзина, па практично „за влакно“ ги избегнаа возачите на Yamaha, Валентино Роси и Маверик Вињалес.

До тој момент беше во водство се наоѓаше возачот на КТМ, Пол Еспаргаро, кој одлично се бореше со Милер, Довициозо и Мир. По рестартот на трката, Австралиецот беше оној кој се издвои на чело од колоната, а добро му парираа Довициозо, Мир и Алекс Ринс на второто Suzuki, додека помладиот од браќата Еспаргаро полека го загуби чекорот со водечките. Нешто подоцна неговата трка беше завршена по инцидентот со Мигел Оливеир од тимот на Teh3 KTM, а покрај патеката заврши и Алекс Ринс, кој изгуби контрола над моторот во моментот кога го презеде водството.

Следеше одлична борба, а трката беше решена пред самиот финиш. Довициозо кој беше во водство конечно успеа видно да се одвои од првиот пратител на патеката, Џек Милер. Возачот на Pramac Ducati и Џоан Мир од Suzuki не можеа да одговорат на неговиот ритам, а нивната борба беше решена на два круга пред крајот, кога Шпанецот се проби на второто место и стигна до најдобриот пласман во кариерата во кралската класа. Милер на крајот мораше да се задоволи со третото место.

Четвртото место му припадна на минатонеделниот победник Бред Биндер од KTM, пред Валентино Роси на Yamaha кој извозе одлична трка и покрај тоа што доживеа вистински шок кога за малку успеа да не биде колатерална жртва на инцидентот во осмиот круг.

РЕЗУЛТАТИ

HIGHLIGHTS

https://youtu.be/5H9CEOxaWNM

ИЗЈАВИЈА ПО ТРКАТА

MotoGP шампионатот продолжува веќе следниот викенд со Големата награда на Штаерска, која исто така ќе се вози на Ред Бул Ринг арената во Спилберг.

• andrea dovizioso
• Austrian GP
• Ducati
• Franco Morbidelli
• Johann Zarco
• motogp