Мини електромобил на Hyundai ќе лекува деца
Машината користи вештачка интелигенција и веќе работи во болница
На крајот од октомври, Hyundai го претстави својот најмал електричен автомобил, чиј дизајн е во стилот на концептниот модел 46, претставен на салонот во Франкфурт во 2019 година. Сега корејскиот производител ја откри и целта на машината – таа ќе помогне во лекување на деца.
За таа цел, Hyundai и Технолошкиот институт во Масачусетс заеднички развиле технологија за емоционално-прилагодливо управување (EAVC). Создаден е врз основа на вештачка интелигенција, која ја менува атмосферата во кабината во зависност од ситуацијата и во и надвор од автомобилот.
Системот EAVC ги скенира изразите на лицето и ги мери отчукувањата на срцето и дишните патишта, комбинирајќи ги информациите со перформансите на возилото – брзина, забрзување, бучава и вибрации. Овие податоци потоа се обработуваат со употреба на алгоритам за оптимизирање на ентериерот во кабината и активно управување со автомобилските системи, вклучително осветлување, климатизација, аудио систем и освежувач на воздухот.
Првиот мал електричен автомобил веќе е доставен во болницата во Барселона и тој ќе им помогне на младите пациенти да се движат меѓу зградите и канцелариите за различни постапки.
Мини електричниот автомобил со систем EVAC комуницира со децата користејќи 5 основни технологии. Тие вклучуваат систем за препознавање на изразите на лицето, појас за масажа што го подобрува дишењето, сензор за отчукување на срцето, специјално осветлување за смирување и освежувач на воздухот со истата функција.
На пример, електричниот автомобил може да го намали стресот со лесен притисок врз ременот, како и да испушти посебен смирувачки мирис, па дури и да ги испушта меурчиња. Истовремено, системот EVAC ги информира лекарите за емоционалната состојба на младиот пациент.
Hyundai планира да ја имплементира EVAC технологијата и кај стандардни возила, со цел зголемена безбедност на професионалните возачи.