Maybach лансираше линија облека: За јакна со нивното лого се потребни над 3.500 евра…
Линијата вклучува унисекс, машки и женски дизајни за ладно време и меѓусезонска облека
Брендот Maybach ја прошири својата колекција на облека, Icons of Luxury, со цел да привлече помлада публика која е модно освестена. Брендот, кој повеќето го поврзуваат со луксузни автомобили, објави неколку интригантни парчиња облека на својата веб-страница.
Тие се дел од новата колекција „Unexpected Moments“ и сите имаат истакнати логоа. Ставките вклучуваат унисекс, машки и женски дизајни за ладно време и меѓусезонска облека. Колекцијата започнува со The Zest I, машка зимска кожна јакна.
Друго парче од колекцијата Unexpected Moments е The Leisure I, во облик на меѓусезонска јакна наменета за мажи со три џебови и дискретно лого на Maybach на левиот ракав.
Друга машка јакна, наречена The Zeal I, е направена со памучни ракави. Има и унисекс лесна памучна јакна.
Другите парчиња облека од Maybach вклучуваат The Glam I, трендсетин женска јакна, The Chic I, женска поло маица, и The Activity I, стилска машка јакна дизајнирана како „класичен придружник на отворено“.
Со оглед на тоа што облеката доаѓа од производител на луксузни автомобили, не е изненадување што е скапа. Всушност, посетете ја веб-страницата Maybach Luxury и ќе видите дека јакната The Activity I чини 690 долари (634 евра), The Breather I hoody се продава за 490 долари (450 евра), а брендот очекува неговите клиенти да платат 3.790 долари (3.500 евра) за зимската јакна The Zest I.
