Камери ќе ги следат возачите кои разговараат на мобилен
Новиот систем веќе се тестира на патиштата на Австралија
Мобилните телефони се една од најчестите причини за сообраќајни несреќи во современиот свет. Затоа властите во различни земји преземаат мерки за борба против овој штетен феномен. Во Австралија, на пример, ќе се користат специјални камери за следење на активностите на возачите на патиштата.
Технологијата работи со вештачка интелигенција и веќе се тестира во реонот на Сиднеј. Во нејзината основа се камери кои снимаат со голема брзина и буквално „гледаат“ во салонот на автомобилот кој минува. Соодветно на тоа, тие фиксираат мобилен или паметен телефон во раката на возачот, ги снимаат и складираат информациите.
Системот е дизајниран да работи и во лоши временски услови. Според некои организации за човекови права, истиот ја нарушува приватноста, но и покрај тоа австралиските власти веќе го тестираат и размислуваат за негово користење и во други делови од земјата.