Италијанската царина запленила Rolls-Royce Phantom поради крокодилска кожа
Италијанските царински власти заплениле ултра луксузен модел на Rolls-Royce Phantom, откако утврдија дека одредени делови од ентериерот на престижното возило се покриени со кожа на загрозен вид на крокодил, се вели во објава на порталот LuxuryLaunches. Ова е дефинитивно нешто што нема да го најдете во официјалната брошура на компанијата
Нема ништо невообичаено во фактот што купувачите на автомобили често ги користат услугите на специјализирани компании кои пристапуваат кон дополнителна персонализација на возилата, особено кога станува збор за длабоко ирационална, односно емотивна одлука да купат многу престижен автомобил. Тогаш само небото е граница за сопствениците на такви возила, сè во желба нивниот примерок да биде апсолутно уникатен.
Ако може да им се веруваме на гласините кои се шират низ глобалната мрежа, тогаш овој примерок на моделот Rolls-Royce Phantom со седишта покриени со кожа од заштитен тип на крокодил е увезена во Италија од Русија, каде требало да се продава во изложбен салон во Рим. Сепак, тоа не можело да мине покрај италијанските цариници.
Ова сигурно не е прв пат супер егзотично возило, како што е споменатиот Rolls-Royce Phantom, да биде украсено со ретки и тешко достапни материјали. Сепак, ова е веројатно првиот случај кој станува познат во светски размери, кој вклучува кршење на законот за заштита на одредени животински видови.
Според извештаите на светските медиуми, во внатрешноста на одземеното возило има и површини покриени со кожа од хермес, како и хавајското дрво коа, кое може да се види на централниот гребен. Сепак, иако се ретки и скапи, овие материјали се легални за употреба. Во секој случај, сопственикот на оваа копија на Rolls-Royce Phantom веројатно ќе се соочи со обврска да плати голема казна, а сигурно е дека ќе биде принуден и да ја отстрани „спорната“ кожа од внатрешноста.
Крокодилите се наведени на списокот на заштитени животински видови во документот наречен Вашингтонска конвенција за меѓународна трговија со загрозени видови дива фауна и флора (Washington Convention on International Trade in Endangered Species of Wild Fauna and Flora – CITES).
Сепак, треба да се каже дека е можно под одредени околности, некои предмети да се легално изработени од кожа од крокодил или алигатор, но во такви случаи присуството на потврда издадена од споменатиот CITES е задолжителна. Со таква потврда, оваа кожа може да се користи во 160 земји во светот, односно оние кои ја потпишале конвенцијата.