Илон Маск го купи Twitter за 44 милијарди долари
Маск верува дека може да го „отклучи“ потенцијалот на Twitter
Twitter ја прифатил понудата на Илон Маск. Маск го купува гигантот од областа на социјалните мрежи за 54,20 долари по акција, или околу 44 милијарди долари. Со овој потег, извршниот директор на Tesla ќе ја приватизира компанијата. Тој, исто така, вели дека планира да го надгради Twitter со заштита на слободата на говорот, алгоритми со отворен код, борба против спам-ботови и „автентикација на сите луѓе“.
Одборот на Twitter едногласно го одобрил купувањето. Се очекува бизнис зделката да се затвори во текот на 2022 година, иако тоа ќе зависи од одобрението на регулаторите и акционерите.
Извршниот директор на Tesla купи 9,2 отсто од акциите на Twitter на почетокот на април, по критиките за политиката за слобода на говор на компанијата. Тој тврдеше дека Twitter не ги исполнува своите должности како „де факто јавен градски плоштад“.
Twitter брзо соопшти дека Маск ќе се приклучи на бордот на директори на компанијата, но неколку дена подоцна Маск реши да ја одбие поканата. Иако не кажа зошто се предомислил, назначувањето на управниот одбор јасно е дека би го спречило да поседува повеќе од 14,9 отсто од компанијата, односно нема да може да ја преземе целосната контрола во текот на неговиот мандат.