Albanian
English
Macedonian
Hyundai најави три електрични модели / ВИДЕО
Во 2015 година, Hyundai официјално го создаде подбрендот за своите луксузни автомобили наречен Genesis, за сега Ioniq да стана името на подбрендот за електрични возила
Со најавата за подбрендот стигна и најавата за три електрични модели:
Првиот ќе ја носи ознаката Ioniq 5, а станува збор за електричен кросовер базиран на концептот Hyundai 45 кој дебитираше минатата година на Саемот за автомобили во Франкфурт. Истиот се очекува на почетокот од 2021 година.
Вториот модел е седанот Ioniq 6 заснован на концептот Prophecy виден порано оваа година, а производната верзија ќе дебитира дури во 2022 година.
Ioniq 7 е третиот модел што се очекува, а станува збор за електричен теренец кој ќе се појави во почетокот на 2024 година.
Новите модели ќе користат нова платформа наречена Electric Global Modular Platform (E-GMP), која треба да овозможи брзо полнење и долга автономија.
Подбрендот Hyundai Ioniq e создаден за поддршка на Стратегијата 2025 според која има намера да продаде 560.000 електрични возила. Целта на компанијата е да стане трет по големина производител на еколошки возила до 2025 година.