• Пребарај
  • Мени

Листа на категории

Вести
Видео
Новитети
Совети
Спорт
Технологија
Хамилтон остро ги искритикува колегите, набргу следеше реакција
02/06/2020 Спорт

Хамилтон остро ги искритикува колегите, набргу следеше реакција

Луис Хамилтон остро ги критикуваше своите колеги во Formula 1 за нивното молчење и недавањето јавна поддршка за Афроамериканците по трагичната смрт на Џорџ Флојд

Флојд настрада од бруталноста на полицаец во САД кој со колено прејако и долго го притискаше на вратот, додека Флојд извикуваше дека се задушува, на што полицискиот службеник воопшто не обраќаше внимание. Неговата смрт предизвика големи протести во САД кои никако да се смират, напротив, за жал веќе преоѓаат во насилство.

Хамилтон, првиот и единствен црн возач и светски шампион во Formula 1, вчера луто се обрати до неговите колеги поради немањето јавна поддршка за Афроамериканците.

„Сум видел и знам кој од вас молчи. Многумина од вас се големи sвезди и молчите и не кревате глас против неправдата“, преку Instagram се обрати Хамилтон. „Ниту еден знак на поддршка од никој од мојот спорт, во кој инаку доминираат белците. Јас сум единствената личност со темна боја на кожата и единствен која го крена гласот против ваквиот вид насилство. Само знајте дека знам кој сте и какви сте и ве следам“.

Подоцна додаде дека не го поддржува насилството кое се случува на протестите, бидејќи тој е само против дискриминација на расна основа.

„Јас не го поддржувам насилството што започна по протестот, јас сум само против дискриминација. Нема мир во светот сè додека светските лидери не ги променат своите политики“, додаде Хамилтон.

Хамилтон веднаш доби поддршка од неговиот тим, за потоа да се јават и голем број други возачи во знак на поддршка.