Германски производ: Следната година во автомобилите доаѓа првиот систем за контрола со помош на џојстик!
Компанијата Paravan има огромно искуство во развојот на контролни системи за лицата со посебни потреби
Секојдневно напредуваме, така што беше само прашање на време кога некој ќе се сети и на управувачот во автомобилите. Од следната година германскиот добавувач Schaeffler-Paravan сака да лансира управување на автомобилите со џојстик наместо со волан.
Германската компанија започнува со тестирање на системот by-wire, со помош на џојстик, во спортски автомобили и друмски возила. Контролите работат исто како во компјутерска игра: лево е лево, десно е десно, напред е гас, а сопирачките се назад. Контролата со џојстик на Schaeffler-Paravan се смета за револуционерна. Системот може дури и да се догради. Предностите се големи бидејќи нема повеќе удари кои се пренесуваат преку воланот при возење преку дупки, управувањето повеќе не троши енергија, а работата на системот за активна безбедност е олеснета бидејќи воланот повеќе не мора да се движи при корекција на насоката на возење.
Компанијата Paravan има огромно искуство во развојот на контролни системи за лицата со посебни потреби, а заедничкото вложување најавува дека е три години пред конкуренцијата во однос на развојот. Се очекува најголема корист од овој систем да имаат лицата со попреченост.