Георгина Родригез за Божиќ на Кристијано Роналдо му подари Rolls-Royce кабриолет / ВИДЕО
Познатиот фудбалер за Божиќ доби Rolls-Royce Dawn, вреден околу 356.000 долари, врзан со црвена лента
Откако на својот Instagram профил ги покажа своите раскошни божиќни подароци, Георгина Родригез објави видео во кое го покажа подарокот за својот партнер Кристијано Роналдо.
Овој Rolls-Royce Dawn до 100 km/h забрзува за 4,9 секунди, а максималната брзина е 250 km/h. Опремен е со многу луксузни карактеристики, како што е покривот што се повлекува, на кој му се потребни 22 секунди за да се отвори.
„Ти благодарам љубов моја“, напиша Роналдо на сопственото „story“ на Instagram, каде сподели слика од својот нов автомобил.
Во истото видео, Дедо Мраз се појавува пред целото семејство да почне да ги отвора своите подароци, кои вклучуваат трицикли, конзоли за видео игри…
Не е прв пат Геотгина да купи автомобил на Кристијано Роналдо. За неговиот 37 роденден таа му подари Cadillac Escalade. Две години претходно, за 35-тиот роденден на Кристијано, неговата партнерка му подари Brabus G V12 900 вреден 700.000 евра, од кои има само 10 примероци во светот.
Станува збор за луксузно спортска модификација на Mercedes G-класата, која веќе не може да се купи со V12 мотор, дури ни во најдобрата верзија.
Овој Rolls-Royce сигурно одлично ќе се вклопи во колекцијата на Кристијано од повеќе од 20 скапи автомобили, од кои се издвојува уникатниот Bugatti La Voiture Noire од 11,1 милиони евра, а тука се и Lamborghini Aventador, Rolls-Royce Phantom, Ferrari F12 tdf, Aston Martin DB3, McLaren MP4 12C, Bentley Continental GTC Speed, 599 GTB Fiorano…