Со многу контроверзии, битката помеѓу Луис Хамилтон и Макс Верстапен продолжува

Пред почетокот на квалификациите, може да се каже дека временските услови беа дури и екстремни, не поради температурата на воздухот, која беше 28 степени, туку поради температурата на патеката, која стигна до 59-от степен. Тогаш пристигна и информацијата дека Мик Шумахер нема да учествува на оваа сесија, но дека тимот сепак морал да го смени менувачот, што значи дека на денешната трка ќе добие казна од пет места.

Од самиот старт на квалификациите, започна акцијата на патеката, па така Кими Раиконен го имаше првото најбрзо време од 1.17.963 пред Џовинаци, Цунода и Мазепин. Возачите на Mercedes на патеката излегоа малку подоцна, кога Хамилтон го извозе најдобриот круг со време од 1.16.424 пред Ботас и Норис. Одговорот на Верстапен веднаш следеше, ги спои трите најбрзи сектори и го зазеде првото место со време од 1.16.214 стотинки. Возачите на Ferrari чекаа до средината на сесијата за да ги направат своите кругови, по што Саинц го зазеде 4 -то, а Леклер 7-то место додека Перез повторно покажа дека заостанува една секунда зад својот тимски колега, што го одведе на 9 -то место.

Во опасната зона се најдоа Цунода, Расел, Латифи, Мазепин и Шумахер кој дури и не излезе на патеката додека Фетел, Раиконен и Џовинаци беа веднаш над линијата за испаѓање. На крајот, возачите кои претходно беа во опасната зона не успеаја да се подобрат, односно не изборија место во втората квалификациска сесија.

Макс Верстапен и двајцата возачи на Mercedes, веднаш излегоа на патеката на почетокот од втората сесија, а малку подоцна следеа и другите. Така, Хамилтон успеа да го забележи најбрзиот круг од 1.16.553 и беше 2 десетинки пред Верстапен и половина секунда подобар од Ботас, а сите тројца возачи користеа средни гуми. Фетел и Гасли се наметнаа на третото и четвртото место во раната фаза на втората сесија, но овие двајца возачи имаа меки гуми. Според сличен рецепт, Алонсо стигна до третата позиција, односно Леклерк до втората, но сесијата беше прекината поради излетувањето на Карлос Сајнц во последниот свиок. По пауза од околу десет минути, квалификациите продолжија. Во самиот финиш на Q2 Верстапен успеа да ги подобри своите перформанси и дојде до првото место со време од 1.15,650 секунди со меки гуми пред Норис и Гасли, додека возачите на Mercedes останаа со средни гуми за утрешниот старт. На крајот, Рикиардо, Строл, Раиконен, Џовинаци и Саинц, кои имаше несреќа, не се квалификуваа во Q3.

Веднаш по почетокот на Q3, сите возачи побрзаа да излезат на патеката, освен Фетел, кој одлучи да остане во гаражата. Mercedes покажа многу добро темпо, па Хамилтон забележа круг со време од 1.15.419 и беше за 3 десетинки побрз од Ботас и дури половина секунда пред Верстапен. Зад него пак беа Перез, Леклер, Окон, Гасли, Алонсо, Норис и Фетел. Во подготвителниот круг, Хамилтон и Верстапен имаа мала „војна“ за забавување на патеката, но и двајцата успеаја да започнат нови кругови. Верстапен успеа да го подобри своето време, но не и својата позиција, па Луис Хамилтон остана на првото место пред Ботас. Перез беше четврти, Гасли петти, Норис шести, потоа Леклер, Окон, Алонсо и Фетел.

Денешната трка за ГН на Унгарија стартува во 15.00 часот.