До 90 отсто почисти издувни гасови од дизелите: Една компанија меша гориво со – вода!
Компанијата Trillion развила наноемулзиска технологија која во капки на дизел гориво додава хемиски раствор на вода со големина на нанометар
Дружењето на вода и гориво во резервоарот на вашето возило е како дискусија на двајца политичари со различен поглед на светот. Тие едноставно не одат заедно, а и моторот ќе го почувствува тоа. Слабо палење, неподготвеност за забрзување… ова се само некои од симптомите на водата во горивото. Но, се чини дека технологијата ги победува дури и своите најголеми непријатели. Новото гориво наречено HydroDiesel+ комбинира дизел и вода.
Компанијата Trillion развила наноемулзиска технологија која во капки на дизел гориво додава хемиски раствор на вода со големина на наномета. Придобивките од оваа технологија се движат од пониски трошоци до значително намалување на емисиите, зголемена моќност на моторот, поголема ефикасност на горивото и намалени ефекти од загадувањето на воздухот врз здравјето на луѓето и животните. Со овој метод, во дизелот се меша околу 20 проценти вода.
Во однос на емисиите, емисиите на CO2, NOX, SO2 и саѓи се намалени за 40-90 проценти врз основа на животниот циклус на возилото. Секако, тука е и пониската цена на горивото. Квалитетот на HydroDiesel+ е што на дистрибутерите нема да им треба нова инфраструктура за него, односно нема да мора да ја пренаменат старата. Trillion развил SMART Blending системи, кои се мобилни и брзо се имплементираат. Тие може да се постават во близина на локацијата за складирање за третман на горивото на крајот од производниот процес или дури и на брод за да се третира горивото пред транспорт. Финалниот производ има ист стабилен рок на траење како и обичното дизел гориво.
Со компанијата Trillion на имплементација на технологија работи уште еден партнер, а тоа е Универзитетот во Хјустон.