Деби за новиот Dacia Duster / ФОТО+ВИДЕО
По околу три и пол години присутност на пазарот од своето деби во 2017 година, дојде време за освежување на втората генерација на Dacia Duster
Главните разлики гледано надворешно се рефлектираат во различните светлосни групи, како оние на предниот дел на теренецот така и оние на задниот дел. Куќиштата останаа исти, но нивната внатрешна содржина е редефинирана на таков начин што светлата се изведени во ЛЕД технологија, веќе видено во новитетите Logan и Sandero. Дополнително, ажуриран е и дизајнот на решетката за ладилникот.
Иако Романците минатата недела го преставија новото лого, старото останало на новиот Duster бидејќи новиот симбол ќе ги краси возилата на брендот почнувајќи од 2022 година.
Првото нешто што паѓа во очи кога станува збор за салонот е воведувањето на нов мултимедијален систем со осум инчен екран, наместо претходниот, кој беше за два инчи поскромен по големина. Интересно е што таков екран веќе беше понуден во Duster пред рестајлингот, иако оној со ознаки на францускиот Renault. Зборуваме за верзијата за руските клиенти. Точно, рамката за тој модел беше различна.
Мултимедијалниот систем има функции за поврзување Apple CarPlay, Android Auto, како и предавател на Wi-Fi сигнал. Наместо централен потпирач за рака, поставена е висока кутија обложена со мек материјал, а се наоѓа помеѓу седиштата. Во внатрешноста има и четири USB порти за патниците.
Рестајлингот е искористен и за ревидирање на опсегот на понудени верзии на Duster. На пример, поранешниот стартен пакет, кој претходно беше избран од само еден процент од клиентите е укинат, па наместо четири во каталогот има три: Essential, Comfort и Prestige. Најбогата варијанта Prestige беше најбарана, а нејзиното учество во продажниот микс достигнал дури 81%!
Не само што е намален бројот на понудени пакети опрема, туку е намален и бројот на одделни артикли кои можат дополнително да се нарачаат, така што сега има единаесет, наместо претходните осумнаесет.
Списокот на мотори за романскиот кросовер не е променет во оваа прилика, но повторно е достапен шест-брзинскиот роботизиран менувач со двојна спојка (EDC).
За волја на вистината, тој можеше да се добие само со најмоќниот дизел, а сега и со најмоќниот турбо бензинец 1.3 TCe (150 коњски сили). За крај на приказната фактот дека овој менувач од Duster исчезна уште во 2018 година, и сè уште го нема на верзиите на достапниот теренец за сите пазари.
Сите други погонски единици во новиот Duster се „осудени“ на соработка со мануелен менувач. На списокот на погонски единици се 1.3 TCe (4-цилиндерски турбо бензинец со 130 КС и 1.5 Blue dCi (4-цилиндерски турбодизел со 115 КС). Тука е и 1.0 TCe Eco-G како 3-цилиндерски турбо мотор што согорува два видови на гориво и развива сто коњски сили. Може да користи пропан или бензин додека опсегот е врвен. Со едно полнење, кросоверот ќе помине дури километри.
Повторно, за разлика од некои други пазари, Dacia Duster во модификација што има погон на сите тркала е достапен само во дизел верзија, па дури и тогаш само со доплата! Сите други верзии остануваат само со погон на предните тркала.
Пред рестилизацијата, во Франција Duster чинеше најмалку 15,5 илјади евра, додека сега цената ќе биде 600 евра… Пониска! Најпрестижното издание, она со погон на двете оски, ќе се продава за 22,9 илјади евра.
ФОТО ГАЛЕРИЈА
[useyourdrive dir=”1sQ318StGUU3AnkXybCGEchdas49EWoRW” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showfolders=”0″ showsharelink=”1″ showrefreshbutton=”0″ search=”0″ showbreadcrumb=”0″]
Нарачките започнуваат од 5 јули, додека почетокот на продажбата е закажан некаде за крајот на летото.