Давид Малиновски со премиерна победа на четвртата трка од TWINGO CUP
По доминацијата на Мартин Делев изминатите три трки, вчера на патеката „Ушче“ во Белград триумф на Давид Малиновски во рамки на TWINGO CUP
Малиновски до победата дојде со вкупно време од 33:18,951 минути, пред Емил Нацка, кој доцнеше само 0,226 секунди. Место на подиумот имаше и за третопласираниот Слободан Трајковски.
Трикратниот победник сезонава, Делев, во Белград финишираше на четвртото место, додека петти беше Иван Стефановски.
Тројца возачи не ја завршија трката, а тоа се Томас Трајановски, Александар Кочевски и Ангелче Стојковски.
TWINGO CUP продолжува со петтата трка сезонава, што ќе се одржи во Кичево од 20 до 22 септември.