Дали пазарот на електрични автомобили е на работ на криза: Цените на возилата повисоки за 15 отсто, а следуваат и нови шокови…
Според познавачите на ситуацијата, цените на електричните автомобили ќе продолжат да растат, главно поради растот на цените на суровините потребни за производство на батерии
Цените на петнаесетте најпопуларни електрични автомобили во Германија во август оваа година споредено со истиот месец претходната година се зголемени за 14,5 проценти. Просечното поскапување на електричните автомобили е 5.385 евра! Ова е резултат на пазарната студија на Центарот за истражување на автомобили (CAR) објавена од Handelsblatt. Tesla Model 3 е поскап за 7.000 евра, па така основната верзија сега чини дури 49.900 евра. Основната цена на Ford Mustang Mach-E е зголемена за 9.000 евра или 56.500 евра. Audi и Porsche исто така ги нудат своите модели со повисоки цени. Но според познавачите на ситуацијата, цените на електричните автомобили ќе продолжат да растат, главно поради растот на цените на суровините потребни за производство на батерии.
Новата регулатива на германската влада, која вклучува и ограничување на стимулациите за електромобилност, само ја зголемува загриженоста за иднината на електромобилноста што е сосема нормално. Па кој ќе плати 35.000 евра за мал автомобил на батерии како на пример Renault Zoe.
Како податок, од 2016 до 2021 година Германија потрошила околу 4,6 милијарди евра за промовирање на електромобилноста.