Daimler преку статусна промена ги става AMG, Maybach и G-Class под ист покрив
Германскиот концерн Daimler е пред радикални промени и се соочува со поделба на две компании, што се очекува да се случи до крајот на оваа календарска година
Германското издание Automobilwoche објави дека по тој повод ќе биде формирана посебна дивизија, која ќе биде специјализирана за развој на најлуксузните и најскапите модели на четири тркала.
Токму оваа дивизија треба да ги стави под своја контрола подеднакво култните под-брендови AMG и Maybach, исто како и G-класата, која отсекогаш се издвојувала од гамата на Mercedes и се појавува, буквално како „свет сам за себе“.
Главните цели кои треба да се постигнат со овој потег се однесуваат на здружување на инженерски ресурси, како и оптимизација на трошоците за маркетинг. Интересно, од извештаите кои Daimler е должен да ги држи како јавни, може да се заклучи дека компанијата започнала да ги спојува овие три деловни единици уште пред неколку години. Во исто време, побарувачката за возила од сегментот што ги опфаќа споменатите под-марки и робусниот теренец G-класа продолжува да расте со побрзо темпо од оној што се карактеризира со скок на популарноста на ниво на целиот нов пазар на автомобили.
Еве пример. Вкупно 23 илјади примероци со ознаки AMG и G-класа се испорачани ширум светот во текот на 2011 година, за да во 2019 година бидат продадени вкупно 157 илјади возила од оваа приказна, при што 12 илјади со ознаки на Maybach и 32 илјади парчиња со ознаката G-Class. Јасно е дека останатото се однесува на перформантните верзии на Mercedes или оние со ознаката AMG.
Сегашниот шеф на одделот AMG, Филип Шхајмер, се очекува да продолжи да ја води новата дивизија. Промената на статусот што е во тек ќе биде официјално објавена, со сите придружни детали од интерес, на септемврискиот саем за автомобили во Минхен.