Bugatti Bolide избран за најубав хиперавтомобил во светот
Иако се уште нема сериска верзија, веќе е избран за најубав хиперавтомобил во светот. Bugatti Bolide, навистина изгледа феноменално, па изборот на жирито е разбирлив.
Bolide е концептен автомобил на Bugatti за кој се очекува да добие сериска верзија ограничена на само 40 примероци, во 2024 година. Фактот дека автомобилот всушност не постои, не го спречи да ја освои главната награда за дизајн, доделена на 36-то издание на Меѓународниот фестивал за автомобили во Париз.
Жирито од експерти за дизајн го препознале Bolide како најубав проект во категоријата хиперавтомобили. Гледајќи ги префинетите линии на Bolide, тешко е да не се согласите со нив. Тука, секој детал е подреден на аеродинамиката, а во исто време изгледа модерно и импресивно.
Сепак, треба да се забележи дека изгледот нема да биде единствената предност на моделот. Автомобилот треба да има и натпросечни перформанси. Моторот W16 познат од Chiron во комбинација со потенок и полесен дизајн сигурно ќе овозможи неверојатно возачко искуство, барем за оние 40 среќници кои ќе го поседуваат.
Иако 40 од најавените единици нема да се појават на пазарот за неколку години, веќе се знае дека тие визуелно нема да се разликуваат од опишаниот концепт. Позната е и почетната цена од околу 4 милиони евра. Нема да биде изненадување ако сите планирани копии веќе ги имаат своите сопственици.