Бензинците на BMW во понуда уште најмалку 30 години
BMW најавува нови електрични модели, но тоа не значи дека става точка на SUS моторите
Во 2020 година, баварскиот производител ќе лансира уште еден електричен модел – на BMW i3 ќе му се придружи електричниот теренец BMW iX3. Сепак, компанијата е свесна дека електрификацијата на автомобилската индустрија нема да се случи „преку ноќ“ и дека целиот процес на транзиција од SUS мотори во електрични погонски системи ќе трае неколку децении.
Ова го потврдува шефот на развојно-истражувачкиот центар на BMW, Клаус Фролич, кој за Automotive News Europe вели дека 4 и 6-цилиндерските турбо дизел мотори ќе преживеат најмалку уште 20 години, додека бензинците ќе бидат достапни уште најмалку 30 години.
Сепак, некои SUS мотори нема да траат толку долго, а меѓу нив е и V12, за кој Фролих предвидува дека нема да се прави по 2023 година.
Како што вели тој, BMW продава само неколку илјади автомобили со оваа погонска единица на годишно ниво, а во прилог на V12-ката не одат ниту се построгите европски регулативи за издувни гасови.
Што се однесува до дизелите – Клаус Фролих вели дека BMW планира да ги „пензионира“ 1.5-литарските 3-цилиндерски мотори, како и quad-turbo дизел единиците, како оној во M550d.